Limani: Kjo është e patolerueshme dhe e pafalshme.. (VIDEO)

Fatmir Limani me në postim tepër të gjatë ka reaguar në lidhje me gjendjen në të cilën ndodhet Kërçova pas reshjeve të shiut.

Limani shkruan se është e patolerueshme që komuna keqpërdor taksat e qytetarëve, ndërkohë që shton se ka patur mjete të parapara për pastrimin e lumenjve në tërë hapsirën
Më poshtë postimi:

TË NDERUAR BASHKËVENDËS !
Të përballesh me fenomenet mbinatyrore është një anë e medaljes, por kur të shtohet barra e përballjes edhe nga fenomeni udhëheqës, i cili duke keqpërdorur mjetet e taksapaguesve të bëhet sherri i vërtetë, kjo është e patolerueshme dhe e pafalshme.

Në kuadër të planit financiar të çdo subjekti në nivel të pushtetit lokal ose qëndrorë, parashihen mjete që shfrytëzohen në kohë vërshimesh, tërmetesh, zjarresh, pandemie.., etj, etj !
Sipas informacioneve, të cilat bazohen në planet paraprake financiare të Komunës së Kërçovës, ka patur mjete të parapara për pastrimin e lumenjve në tërë hapsirën e Kërçovës, por që realisht asnjëlloj veprimi për pastrimin e lumenjve nuk është bërë dhe se ku kanë përfunduar mjetet e parapara nuk dihet.

Faktorë tjetër i vërshimeve të këtilla janë edhe mbeturinat e shëndërruara në deponi që hidhen nëpër lumenj nga ana e Ndërmarrjes Komunale “Komunalec”, dhe të cilat kanë shkaktuar ngushtica të hapsirave në shtratërit e lumenjve. Me çka edhe shkaktohet ngritja e nivelit të lumenjve, deri në masën e vërshimeve dhe dëmeve të paparashikueshme.

Nga pakujdesia dhe mos’gjetja e zgjidhjes nga organet gjegjëse faktorë tjetër i vërshimeve janë edhe mbeturina-deponitë e forta, të cilat përfundojnë nëpër shtretërit e lumenjve.

Këto dhe mijëra faktorë të tjerë që shkaktojnë të pandërgjegjshmit udhëheqës, sjellin popullatën në pozitë që të paguajn haraqin e pamerituar, duke i’u shkatërruar pronat dhe pasuritë e tyre.

Të nderuar bashkëqytetarë !
Organeve drejtuese të Komunës përzgjidhen përmes “votës” në zgjedhjeve, të cilat më pastaj drejtojnë vendin me mandat katërvjeçarë.
Marrë parasysh funksionimin në mandatet e shkuara dhe pakujdesin e tyre, në të gjitha sferat e organizimit të jetesës në këtë vend, vendimi i vot “besimit” në këtë mandat do të duhej të jetë i ndryshëm.
Por pasiqë jemi komb, i cili harron shpejt dhe fal pafund, atëherë si shoqëri do të duhet të përballemi vetëm, të pavarur dhe të papërkrahur në situata të këtilla të fenomeneve natyrore. Ndërkohë që mjetet buxhetore të parapara, për çështje të këtilla do të përfundojnë në xhepat e funksionarëve, të cilëve symbyllurazi i falet pushteti.

Me shpresën që një ditë do të veprojmë me vetëdije të nivelit të duhur do të përmbyllë këtë shkrim, por duke ndarë disa xhirime që janë të djeshme, të sotme, të sontme…, , e të cilat nuk e di se ku do të përfundojnë.

E ndërtuam këtë shtëpi me babain të uritur sepse s’kishim !
E ambientuam në muze etnografik dhe historik, për të ruajtur vlerat si familje dhe komb !

Por… !
Vitet e fundit përballemi me përmbytjet nga fakti i deponive të egra, të cilat janë shndërruar në diga të vërteta që ndikojnë në ngritjen e nivelit të lumit të Zajazit, deri në masën e përmbytjeve të këtilla.
Në këtë vend jemi nga viti 1969, por këto skena nuk i kemi parë e përshkuar….

Të “luftojm”, për një të ardhme të pavarur dhe të sigurtë !
29 Nëntor, 2021
Kërçovë
F.B.L.

VIDEO:

/news33