Kërçovë përmbytet sërish lagjja “Prilepska”.. (VIDEO)

Shtëpi të mbushura me ujë, orendi të lagura, pajisje të shkatërruara nga uji.
Kjo është gjendja e Lagjes Prilepska në Kërçovë pas reshjeve tërrëmbyeshme të shiut.

E njëjta lagje shpesh herë përballet me këto përmbytje, për shkak se uji i lumit të Zajazit del nga shtrati
Që nga ora 12 e mesnatës këta banorë po luftojnë me ujin duke u munduar të mbrojnë fëmijët e tyre nga fatkeqësitë fatale.

Thonë se nuk i ka vizituar askush për t’ju ofruar ndihmë, ndërsa kanë frik që të kalojnë sonte natën në këtë lagje. Ata kërkojnë ndihmë nga autoritetet.

“Nga këtu hynë ujë, nuk është e mbrojtur nuk kemi kanalizim, nuk e ka bërë kryetari ndërsa e votuam që ta bëjë lumen, kemi dëme, dëmet e herës së parë nuk i paguan, as herën e dytë, kemi dëme ndoshta 5000 mijë euro”, tha një banor.

“Ikëm mbrëmë të zhveshur nga brenda, të gjitha 3 dhomat janë mbushur me ujë, dhe nuk kemi asnjë mbrojtje nga askush, as bagera as asgjë, na dërguan mbrëmë atje tek salla Ivanidoll, as qebe, as jorgana, asgjë, asgjë, kemi ngrirë gjithë natën siç e patë, tepihë, krevat, frigorifer, gjithçka është mbushur me ujë”, shtoi një tjetër banor.

“Kjo që ndodhë këtu në lagjen Prilepska nuk është vetëm këtë vit, ne më këtë gjendje ballafaqohemi çdo vit, vërshime, ujë, nuk kemi mbrojte nga askush, kur janë zgjedhjet të gjithë vijnë këtu bëjnë, bëjnë, bëjnë deri sa e zënë karrigen, pas zgjedhjeve askush nuk na njeh”, tha një banor tjetër.

“Gjithçka është me ujë, lëre ujin por brenda na kanë hyrë edhe mbeturinat, pra ne ju lusim që të na ndihmoni të gjithëve, duhet tani për tani ndihmë të na japin”, potencoi një tjetër banore.

“E gjithë shtëpia është përmbytur, gjithë popullata është vërshuar nga uji, nuk kemi ku të shkojmë, jemi në rrugë”, u shpreh një banore tjetër.

Ata kërkojnë ndihmë nga autoritet që tua zgjasin dorën sepse siç thanë po rrezikohet jeta e fëmijëve të tyre. Ndryshe në vijim e sipër është projekti për ndërtimin e banesave sociale të cilat në Kërçovë do tu dedikohen kryesisht banorëve të lagjes Prilepska, lagje kjo e cila çdo vit është e rrezikuar nga përmbytjet.

VIDEO:

/tv21