Huseini: Inspektorati shtetëror nuk “është në gjumë”..

Vitin e fundit janë kryer katër kontrolle të jashtëzakonshme inspektuese në vendkalimin kufitar “Deve Bair” ku “Besa Trans” ka kryer transport ndërkombëtar të lirë të udhëtarëve dhe me këtë rast janë konstatuar parregullsi në lidhje me mos respektimin e Protokollit në transportin publik, thotë drejtori i Inspektoratit shtetëror për transport, Rufat Huseini.

Ai është i sigurt se autobusi ka qenë i regjistruar, por, siç thotë në një deklaratë për televizionin Telma, nuk ka pasur certifikatë nga licenca.

“Gjatë mbikëqyrjes, inspektorët e shqyrtojnë dokumentacionin e plotë, patentën, certifikatën e patentës, certifikatën e shoferit. Mirëpo, kompania nuk ka pasur lëshime të tilla në kryerjen e kontrolleve.

Pyetja është se kur është blerë autobusi, a ka funksionuar gjatë gjithë vitit, sa kohë ka punuar – këtë duhet ta thotë Drejtoria doganore sepse mban evidencë të tillë. Nëse autobusi nuk kishte patentë, Drejtoria doganore duhet t’ia ndalonte daljen nga Maqedonia e Veriut”, është I drejtpërdrejtë drejtori.

Sipas tij, sot kompania nuk është kontrolluar.
“Solla urdhër për inspektim të jashtëzakonshëm sipas udhëzimeve të Qeverisë.

Mbledhim dokumentacion nga Ministria e Transportit për licencën, certifikatat nga licenca, shoferët e punësuar, për ditët në vijim për të kryer mbikëqyrjen e jashtëzakonshme dhe pas konstatimeve që do të zbulohen do të ndërmerren masat përkatëse,” sqaroi Huseini.

Ai informoi edhe se çdo vit numri i inspektorëve është në rënie, andaj edhe bëhen mbikëqyrje, por në kuadër të mundësive të Inspektoratit.
“Nuk mund t’i kontrollojmë të gjithë transportuesit, por sipas programeve mujore dhe vjetore.

Është reduktuar numri i inspektorëve, kemi marrë katër të rinj që ende nuk janë licencuar për mbikëqyrje, ky është kapaciteti ynë”, thotë drejtori. Sipas tij, Inspektorati shtetëror nuk “është në gjumë”, por nuk është kompetent për sigurinë e komunikacionit.

“Sigurinë e komunikacionit e kontrollon MPB-ja dhe Ministria e Transportit dhe Lidhjeve. Shpesh here marrim akuza dhe pyetje të tilla të cilat nuk janë kompetenca jonë. Ne kryejmë mbikëqyrje të akteve që I jep Ministria e Transportit dhe Lidhjeve dhe ato janë licenca, leje, certifikata nga licencat, certifikata për shoferët të cilët edhe nëse mungojnë, nuk mund të vijë deri në aksident rrugor”, nënvizon drejtori Huseini.

/zhurnal