Fatmir Limani takon diasporën në Zvicër

Bashkë me këto dhe mijëra të tjerë mërgimtarë, bashkëvendës, bashkëqytetar, bashkëmendimtarë e badhkëveprimtarë nisëm një rrugë “betejash”, që në thelb nuk kishte mbi të gjItha fitoren, e cila do t’i ngjante “fitores” së Pirros nga Epiri.

U përbashkuam që të shfaqim,promovojmë dhe të ofrojmë një mendim ndryshe, për një të ardhme më të vyer, të dinjitetshme dhe shpresëdhënse në vendin tonë.

U përbashkuam që të shpëtonim vendin prej dëbimit modern që u bëhet të rinjëve nga politikat që në “palcë” përbëhen nga interesi personal dhe familjarë i politikëbërësit.

U përbashkuam që të rikthejmë shpresën te Nënat, Baballarët, Motrat dhe Vëllezërit se ka mundësi e kushte, për t’u vazhduar jeta në vendlindjen tonë, për të cilën flijuan qindra e mijëra të rinjë e të reja që të mbrojnë e ruajn me zili truallin e të parëve tonë e të Tyre.
U përbashkuam, për të bindur pushtetarët se vendi ynë, ka patur, ka dhe do të ketë dalëzotës në të gjitha periudhat.
E nderuara mërgatë !

Të dashur bashkëmendimtarë dhe shokë që u shndërruat në “krahun” më të përbetuar të rrugëtimit tim !
E shtrenjta rini !

Rruga e filluar që të ndryshojmë të menduarit se vetëm hajduti, keqbërësi, i pamoralshmi, kriminieli, i padituri dhe servili mund të ngjiten në maja, duhet vazhduar me jetë a’vdekje.

Duhet vazhduar me urtësi, maturi, durim e largpamësi në mënyrë që të mos u lejmë vendin kriminelëve të korruptuar, të cilët shesin e blejnë nderë, moral e të gjitha vetëm e vetëm që të mbrojnë pozitat dhe interesat e tyre.

Ne bashkë zhvilluam beteja, të cilat do të njihen si më të lavdishmet në historinë e vendit tonë.
Kjo nga fakti se, palë kundërshtare ishte dhe është:

Parti-Policia !
Parti-Drejtoria !
Parti-Ministria !
Parti-Anarkia, hajdutëria dhe nga vjedhja pasuria !
Ata kërcënonin (me largim nga puna), punësonin me afat të caktuar (sa për sy e faqe), paguanin dhe nënvlerësonin të varfërin e pakrahë… etj, etj.

Përpjekja dhe “lufta” e filluar, për të sjellur ndryshimin e vërtetë do të vazhdojë edhe më fuqishëm, më seriozisht, më të organizuar dhe shumëfish më të përbetuar.

Por këtë herë duke menduar dhe planifikuar që të bëjmë “shtëpinë” tonë, e cila do të jetë në shërbim të përgjithshmes dhe asesi në interes të pasurimit tonë.

Fundi i plaçkatarëve është duke ardhur edhe pse mbushen me energji nga fuqia që u jep pushteti dhe paraja e vjedhur nga djersa e popullit.
Me keqardhje e shpreh që fundi i tyre do t’u ngjajë diktatorëve të kohës së shkuar.
#bashkëpërnjëtëardhmetëpavarur
23 Nëntor, 2021
Weggis
Shkruan Fatmir Beqir Limani në facebook

/ms