Profesoresha nga Kërçova në përkrahje të Çun Lajçit..

Ne kemi për të sharë shumë, filluar nga politikanët dhe sistemin e egër në gjithë Ballkanin që artistëve nuk u jep pensione të mjaftueshme as për barërat e tyre, por artisti nuk shahet.
Artisti Çun Lajçi nuk vjedh popullin, ashtu si politikanët, por i ka dhënë dhe i jep popullit akoma frymë arti dhe tradite.

Unë sot nuk arrita të jem në Kërçovë dhe e përgëzoj që i reziston moshës dhe sharkia e tij tingëllon kudo, pasi tash jo vetëm pandemia por edhe koha sot është kthyer në teknologji dhe asocializmi është evident. Artisti e zgjon Kërçovën e fjetur, pa njerëz dhe me qentë endacakë që padashur mu shfaqën në fotografi te Çuni.

Faleminderit artist që viziton dhe zgjon vendin tim të lindjes! Zoti të dhashtë jetë dhe vullnet!
Të kërkoj falje unë si kërçovare sepse nuk u ndjeva aspak mirë me shkrimin e një kërçovari karshi kontributit tuaj, por po e përsëris që ju me djersën tuaj shisni librat dhe e meriton për kontributin dhe respektin që kemi ne dhe mërgimtarët, ndërsa ne duhet të shajmë politikanët që na sollën në këtë gjendje dhe katrahurë këtu në Maqedoninë e Veriut dhe jo juve.

Si për çudi aty heshtin sepse kanë pushtet politikanët dhe tremben, ndërsa ju u dukeni pa pushtet dhe aludojnë në fantazinë e tyre që shajnë ata, por ju jeni artist me merita dhe kontribut.
Faleminderit që zgjodhe Kërçovën për promovim të librit tuaj dhe radhëve të tjera na njofto paraprakisht që të rregullojmë agjendat dhe t’ju vizitojmë e mirëpresim ashtu siç ia kemi zakon ne kërçovarët!
Shkruan profesoresha Gjyla Çeliku në faceobook

/ms