Qeveria austriake vendos karantinë për të pavaksinuarit..
Personat e pavaksinuar, ose ata që nuk e kanë kaluar së fundmi COVID-19, do të duhet të qëndrojnë në karantinë duke filluar nga mesnata, deklaroi kancelari austriak.
“Situata është serioze”, tha Alexander Schallenberg, teksa shpjegoi se masa “fatkeqësisht është e domosdoshme”.
Ai theksoi se shkalla e incidencës tek personat që nuk e kanë bërë vaksinën është shumë më e lartë, rreth 1.700 raste për 100 mijë banorë.
Autoritetet do të kryejnë kontrolle të befasishme për të siguruar që qytetarët po i binden masave, të cilat do të rivlerësohen pas 10 ditësh.
Qytetarët që shkelin këtë masë mund të gjobiten deri në €1.450.
Të shtunën, Austria regjistroi 13 mijë raste të reja, shifra rekord të cilat kanë shqetësuar autoritetet mjekësore.
Rreth 65 për qind e popullsisë i ka marrë të dy dozat e vaksinës, megjithatë shifra është nënë mesataren e Europës.
/shenja