Ja sa përqind pritet shtrenjtimi i rrymës në Maqedoninë e Veriut..?!

Nga fillimi i vitit të ardhshëm pritet shtrenjtimi i çmimit të energjisë elektrike. Kjo është paralajmëruar edhe nga Qeveria, por edhe nga ndërmarrjet shtetërore elektroenergjetike.

Por nga ana tjetër nuk jepen detaje se sa do të shtrenjtohet çmimi dhe se a do të jetë i përballueshëm për qytetarët, përcjell INA.

Alsat ka mësuar se shtrenjtimi i rrymës do të jetë për 8 ose 9 për qind.
Qeveria sot shpalli gjendje krize në energjetikë, e cila do të jetë në fuqi gjatë 30 ditëve të ardhshme.

Kjo gjendje krize nuk parasheh kufizime për qytetarët, por do të derdhen para në llogaritë e kompanive elektroenergjetike.
Ashtu që për këtë parashikohen 65 milionë euro për blerje të energjisë.

/ina