Kërçovë, hapet qendra për terapi fizikale dhe rehabilitim Jeton Sadiku

I riu Jeton Sadiku në Kërçova hapi qendrën për terapi fizikale dhe rehabilitim.
Në këtë qendër do të keni mundësi të bëni terapi të ndryshime fizikale dhe terapi rehabilitimi të cilat jepin mundësi për mjekimin e pacientëve, të cilët për shkaqe të ndryshme nuk guxojnë të marrin ilaçe ose t’i nënshtrohen trajtimit operativ, pacientë me sëmundje kronike ose pacientë me funksione të kufizuara, gjegjësisht të humbura motorike.

Në hapësirat e qendrës keni ambiente të terapive të ndryshme duke filluar nga terapit më të lehta deri tek terapit me aparatura të sofistikuara dhe në vaskë.
Jeton Sadiku tha se qendra do të jetë e hapur për të gjithë edhe për masazh normale në një dhomë të veçantë për relax për personat që dëshirojnë masazhe.

“Ne jemi të angazhuar për të siguruar sherbimet me profesionale ne kuadër të fizioterapisë duke bërë të mundshëm një trajtim dhe rehabilitim sa më cilësor dhe adekuat për problemin që keni. Ofrojmë sherbime dhe ndjeshmëri për pacientët tanë duke promovuar rehabilitim fizik të suksesshëm në një mjedis profesional dhe të kujdesshëm” tha Sadiku
Sadiku ka kryer fakultetin e fizeoterapis dhe me vetëfinancim ka hapur këtë qendër e cila do të jetë në shërbim të qytetarëve dhe gjendet përballë objektit të ri të spitalit të Kërçovës.

/tv21