Të vaksinuarit, përhapësit e rinj të koronavirusit..
Vaksinat po bëjnë një punë të mrekullueshme duke i parandaluar vdekjet dhe sëmundjet serioze që shkakton COVID-i, por nuk janë dhe aq efektive në ndalimin e përhapjes së infektimit, veçanërisht pas shfaqjes së variantit Delta, i cili konsiderohet më infektues se variantet e tjera.
Personat e vaksinuar dy herë, e marrin COVID-in dhe e përhapin atë te personat me të cilët jetojnë, kanë tërhequr vërejtjen ekspertët që kanë studiuar rastet familjare në Britaninë e Madhe. Individët të cilët i kanë marrë dy dozat e vaksinës mund të jenë po aq infektues sa ata që nuk janë vaksinuar asnjëherë.
Edhe po patën pak ose fare simptoma, shanset për ta transmetuar virusin te familjarët e tjerë të pavaksinuar janë 2 në 5 individë, ose 38%. Këto shanse bien një në katër, ose 25% nëse të gjithë familjarët janë të vaksinuar plotësisht.
“The Lancet Infectious Diseases work” tregon se pse është e rëndësishme që më shumë njerëz të marrin vaksinën dhe të mbrohen.
Njerëzit e pavaksinuar nuk mund të mbështetën tek ata që tanimë e kanë marrë vaksinën me idenë se po i shmangen rrezikut për t’u infektuar, paralajmërojnë ata.
Vaksinat po bëjnë një punë të mrekullueshme, duke i parandaluar vdekjet dhe sëmundjet serioze që shkakton COVID-i, por nuk janë dhe aq efektive në ndalimin e përhapjes së infektimit, veçanërisht pas shfaqjes së variantit Delta, i cili konsiderohet më infektues, e i cili po mbizotëron në Britaninë e Madhe.
Me kalimin e kohës, mbrojtja që ofrohet nga vaksinat zbehet dhe do të krijohet nevoja për doza të mëtejshme.
Meqenëse vatra familjare është vendi ku transmetimi i COVID-it shfaqet më së shpeshti, të sigurohesh që çdo anëtar i përshtatshëm e ka marrë vaksinën dhe vazhdon me marrjen e dozave të tjera, është e justifikueshme, thonë ekspertët.
Sipas studimit, i cili u zhvillua nga shtatori i vitit 2020 deri në shtator të vitit 2021, ku u përfshinë 440 familje ne Londër dhe Bolton, që i bënin testet PCR, del se:
Personat që janë vaksinuar dy herë kanë një rrezik më të ulët, mirëpo i mjaftueshëm për t’u rrezikuar nga infektimi me variantin Delta, në krahasim me personat që nuk janë vaksinuar asnjëherë.
Individët e vaksinuar e largojnë virusin më shpejt, mirëpo piku i tyre virusal-kur personat janë më së shumti infektivë – është i ngjashëm sikur te të pavaksinuarit.
Kjo edhe e shpjegon faktin se pse virusi mund të përhapet lehtësisht në mjediset familjare.
Profesori i College Imperial në Londër, Ajit Lalvani, i cili bashkëdrejtoi studimin, thotë: “Transmetimi i vazhdueshëm që e shohim ne në mes personave të vaksinuar e bën të nevojshëm vaksinimin për ata që ende nuk janë vaksinuar, në mënyrë që të mbrohen nga marrja e virusit, sidomos tani gjatë muajve të dimrit që do të kalojnë më shumë kohë brenda dhe në afërsi.
“Kemi kuptuar se ndjeshmëria ndaj infeksionit rritet disa muaj pas marrjes së dozës së dytë – kështu që ata që janë të gatshëm për dozën tjetër, duhet ta marrin menjëherë.
Bashkautorja, dr. Anika Singanaygam, po ashtu nga Kolegji Imperial thotë: “Gjetjet tona sigurojnë njohuri të rëndësishme për efektin e vaksinimit përveç në variantet e reja, specifikisht në atë se pse varianti Delta po vazhdon të shkaktojë numër të lartë të rasteve me COVID në të gjithë botën, madje edhe në vendet me numër të lartë të të vaksinuarve.
“Masat e ndërmarra për ta parandaluar përhapjen e virusit dhe për të mbrojtur shëndetin publik, siç janë maska, mbajtja e distancës dhe testimi mbeten të rëndësishme edhe për të vaksinuarit”.
/alsatm
