Gjermai arrestohet një shtetas i Maqedonisë së Veriut, dy të tjerët arratisen..

Fillimisht, mbi gardhin e kantierit u hodhën një çantë dhe rroba pune. Më pas, punëtori i parë i dyshuar ilegal kërcen mbi dërrasa, për pak bie dhe mbledh gjërat. Menjëherë më pas e ndjek një person i dytë, më pas ikin bashkë.

Mëngjesin e së martës, në Dyseldorf është zhvilluar një bastisje kundër punës së paligjshme, por kjo dyshe arriti t’u shpëtojë hetuesve, shkruan hazeta “Bild”. Ndërsa doganierët vrapojnë për në kantierin e ndërtimit në cepin e Am Gatherhof dhe ëahlerstrasse rreth orës 08:30 të mëngjesit, këta dy persona me sa duket kanë menduar me vetvete: “Ik, nuk na lejohet të jemi këtu” dhe zhduken.

Aksioni në Düsseldorf-Rath nuk ishte e vetmja bastisje kundër punës së paligjshme në kryeqytetin e landit gjerman. Në emër të Prokurorisë Publike të Krefeldit, hetuesit e doganave dhe taksave kontrolluan të martën 23 ambiente banimi dhe biznesi në Krefeld, Mönchengladbach, Gelsenkirchen, Düsseldorf, Duisburg dhe Aachen.

Është arrestuar një shtetas maqedonas (44), informon portali Shtegu. Dyshohet të jetë pjesë e një rrjeti për punë të padeklaruar në industrinë e ndërtimit. Hetuesit supozojnë se pagesat e fshehura të pagave kanë shkaktuar dëme prej rreth një milion eurosh.

Hetimi vazhdon kundër pesë të dyshuarve (32 deri në 52) me shtetësi gjermane, serbe dhe letoneze. Gjatë kontrollit u sekuestruan kompjuterë dhe celularë, ndërsa hetimi i tyre është ende në rrjedhë e sipër.

/shtegu