Ata që përçanë shqiptarët dy dekada sot jan bashkë..

Vëllezërit siamezë të politikës sonë
Nuk është problemi se këta ulen kokë më kokë këtu e 2 dekada (herë fshehur e herë shfaqur), por në emër të “kauzës” së tyre fqinji ka vrarë fqinjin, vëllai ka rrahur vëllain, shoku është prishur me shokun, katundi është bërë për pikë e pesë, shqiptari ka urryer shqiptarin.

Dhe ja sot, ata pinë kafe bashkë për pikë të qejfit, fotografohen para kamerave televizive dhe i injorojnë të gjitha këto dëme që ua shkaktuan për dy dekada shqiptarëve. Për më tepër, tani ata ashiqare po thurin plane (edhe më ogurzeza), që shqiptarët t’i sundojnë edhe për ca kohë, mundësisht përjetësisht.

Dhe, shqiptarët i falin, madje disa i duartrokasin, i mbështesin, u thurin lavde, i lartësojnë e i ngrenë në qiell. Harrojnë vrasjet, rrahjet, poshtërimet e denigrimet, urrejtjen e shkaktuar po nga këta, inatet, armiqësinë me të afërmin, prishjet e familjeve.
Vërtet kohë të egra për dashuri, unitet, liri dhe demokraci.

Shkruan Dr. profesor Arbër Çeliku në facebook
Fotoja është përzgjedhje e redaksisë

/ms