Kumtesë nga Kryesia e Shtabit të F.B.L për Mergatën

Të nderuar Kërçovar
Sa i përket raundit të dytë të zgjedhjeve lokale në Komunën e Kërçovës, qëndrimi ynë është si vijon:

Besojmë se votuesit shqiptarë janë të vetëdijshëm vetë se si duhet të votojnë në raundin e dytë për Komunën e Kërçovës. Nisur nga ky konstatim, konsiderojmë se nuk ka nevojë të apelojmë se cilin kandidat duhet të votojnë, sepse do të konsiderohej se i paragjykojmë se ata e kanë ndërmend që votën ta japin gabim.

Por që kjo votë të maksimalizohet u bëjmë apel palëve që për hirë të interesit të përbashkët të ulen në tavolinën e bisedimeve dhe të ngriten mbi interesat personale dhe grupore dhe të arrijnë një marrëveshje në dobi të të gjithë neve.

Ky apel që u drejtohet palëve bëhet me synimin më të sinqertë që të mos shkojë dëm asnjëra nga ato 4527 vota të raundit të parë. Kjo do të ishte lehtësim edhe për diasporën kudo që është.
Ne i falenderojmë të gjithë 4527 votuesit për besueshmërinë e dhënë dhe va rikujtojmë se ne ishim për ndryshim brenda shqiptarëve dhe mbesim me të njejtin qellim! Me respekt nga Kryesia e Shtabit të F.B.L për Mergatën!

/kms