Shoqata “Uskana” USA nuk do të sjelli votues ja aryeja..

I nderuari Fatmir Limani; I nderuari Fatmir Dehari,
Ne Shoqata Shqiptaro-Amerikane “Uskana”, asgjë të veçantë nuk themi, përveç se iu bashkangjitemi zërave të tjerë të shqetësuar që të bashkoni forcat e ta ruani atë që është krenari, Uskanë.
Në aktin e rikthimit të Uskanës, (fitoret 2013, 2017), kontribuam edhe ne, e gjithë mërgata shqiptare, me vetëdijen e lartë e dashurinë e zjarrtë për Uskanën tonë.

Kjo vërteton se pavarësisht largësisë fizike tonën, ndiesia dhe ndjeshmëria jonë bëjnë që, në raste dramatike si ky, t’i përgjigjemi kushtrimit për shpëtim dhe me formën e lirë demokratike të kryejmë aktin e votimit për fitore të radhës.

Ne shqiptarët duhet të bashkohemi dhe të fitojmë të bashkuar në raundin e dytë të zgjedhjeve lokale. Nese ju të dy nuk keni forcë këtë ta bëni e ta tejkaloni veten për të mos përfituar tjetri, atëhere ç’logjikë ka ardhja jonë e mbushur me brengë e pezëm?!

Që të mos bie barra e përgjegjësisë morale mbi ju, mbetemi me shpresë se do t’i përmbaheni thënies: “Atdheu mbi të gjitha!”
Ju priftë e na priftë e mbara!
BASHKIM! 💪🇦🇱
Dr. Luan Elezi, Kryetar
Kryesia “Uskana” Sh.B.A.

/ms