Thirrje për bashkim në mbrojtje të Kërçovës shqiptare..Nga Rashit Limani

Të dashur bashkëvendasit e mi!
Po iu drejtohem sot si vëllau juaj, si aktivist i shoqatës “Kërçova”, si shoku, bashkëpunëtori juaj dhe si njeri që bashkë me ju zemrën e kemi vendlindjen tonë, Kërçovën.

Shumica nga ne që jetojmë në Diasporē tash e 35 vite ku kemi ndërtuar e krijuar çdo gjë nga zeroja, nuk kemi interese personale nga asnjë kandidat, por të gjithe ne kemi interesin kombëtar para vehtes për ardhmërinë e bashkombësve dhe vendlindjes sonë e cila pēr 8 vite duhet ta pranojmë se ka ndryshuar dhe ka marrë frymë shqipe!

Ne që kemi dal nga fshatrat më të largëta të Uskanës sonë dhe u rritëm në Diasporë e ruajtëm gjuhën, traditën, veshjen, vallen përmes prindërve tanë dhe jemi duke ua transmetuar të njejtën fëmijëve tanë përmes shumë aktiviteteve që organizohen në Diasporë dhe në vendlindje të cilat do të vazhdojnë vetëm nëse në atë qytet udhëheq një shqiptar!

Jam i vetëdijshëm që shumë nga Diapora kanë ndjerë vehten të lënë pasdore, por duhet ta kuptojmë se Komuna e Kërçovës pas 70 vite të qeverisjes maqedonase ka patur mijëra halle e probleme për ti zgjidhur për bashkëvendasit në vendlindje ndërkaq ne mos harrojmë që secili nga ne pati çasje në Komunë, e takoi kryetarin, bisedoi me të për dallim kur para 8 viteve kur komuna e udhëhequr nga maqedonasit ishte hermetikisht e mbyllur për Diasporën.

Me 17 tetor isha në Kërçovë dhe shumë familjarë, shok e miq me insistim kërkonin ndryshimin në rrethin e parë. Duke iu kuptuar plotësisht dhe duke besuar se ndryshimi që kërkohet me një figurë te re do ta ketë kohën e vet iu lus që pavarësisht përcaktimit tuaj në rrethin e parë për kandidatin e pavarur të mendojmë pa inate personale sepse tani jemi në një moment të ri.

Përballë nuk kemi një vëlla tonin shqiptar si në raundin e parë, por një maqedonas të partisë VMRO- DPMNE. Mbi të gjitha kemi interesin tonë kombëtar përballë vehtes dhe secili duhet mirë të mendohet në këtë moment sepse vota e Diasporës është vendimtare. Kërçovën me çdo kusht duhet ta ruajmë dhe ta mbajmë shqiptare. Vëllezër e motra! Rini e dashur! Është koha të organizohemi masovikisht që me 31 tetor të shkojmë në vendlindje pēr të votuar kandidatin shqiptar Fatmir Dehari!

Është koha të organizohemi e mblidhemi se si ta fitojmë Kërçovën! Atdhe dhe vendlindje të dytë nuk kemi andaj ne duhet të jemi aty kur vendlindja ka nevojë për ne! Duke shpresuar se këtë shkresë do ta merrni me zemër të hapur dhe me sinqeritet shpreh respektin tim dhe bindjen se ne dimë dhe do ia dalim bashkërisht edhe në këtë moment të tretë historik për Kërçovën tonë!
Rashit Limani- afarist kërçovar në Zvicër

/ms