Në Kërçovë opozita ASH-AA sikur nuk egsitojnë..! Nga Gjyla Çeliku

A mund të bëhet vendi jonë shtet ligjor?
Po mund të bëhet nëse ne duam të bëhet!
Dje ditë e rëndësishme vullneti për të vendosur udhëheqësin e komunave në Maqedoninë e Veriut dhe në Kosovë.

U fokusova në Maqedoninë e Veriut pa shitur mend për Kosovën sepse atje ra diktatura që nga zgjedhjet parlamentare, megjithëse edhe Kosovën e kam në zemër.
Për herë të parë në jetë u angazhova edhe unë personalisht dhe fizikisht duke qenë kryetare komisioni në vendvotimin tim ku e kam të regjistruar vendbanimin tim edhe pse kemi jetuar në Shkup ne nuk e ndryshuam vendbanimin.

U mundova shumë për këto vite, mendova të kontriboj drejtpërdrejt duke parë edhe hilet e presionet që mund të bëhen. Dorën në zemër miqtë e mi të huaj më preferuan të pranoj, rezistoj dhe raportoj, sepse ky vend duhet të bëhet.
Cërvica është në Osllome të Kërçovës, vend i pasur, i bukur dhe me njerëz të mrekullueshëm e humanistë.
Asgjë s’ka bërë komuna këtu përpos shkollës që bën tash dhe fatkeqësisht ka nga 2 nxënës çdo klasë. Kanalizimin, rrugët, mirëmbajtjen, bile edhe ndriqimin në rrugë e kanë realizuar vetë fshati me ndriqim solar dhe të duket sikur je në Spanjë, jo në Cërvicë.

Vendvotimi im ka qenë këtu dhe ne edhe nga Shkupi kemi ardhur këtu për të votuar. Ajo që çdoherë më ka penguar ka qenë që grupe njerëzish qëndronin përpara vendvotimit dhe në njëfarë forme shkaktonin dhunë psiqike te votuesit. Më informuan për stafin i cili përbëhej nga shqiprarë dhe maqedonas, nga parti të ndryshme dhe nga institucione të ndryshme. I kontaktova. U

organizuam, u takuam. Ishin të mrekullueshëm dhe të përkushtuar. Dorën në zemër në Kërçovë çdoherë ka pasur bashkëjetesë dhe respekt midis nacionaliteteve. Urrejtjen etnike në Maqedoni e importojnë partitë shqiptare dhe maqedonase, populli është vegla e manipulimit. Vizituam vendvotimin te shkolla e re këtu. Asgjë e rregulluar.

E tmerruar dhe në dakord me stafin, normalisht duke informuar edhe miqësinë time të huaj, vendosëm të mos mbajmë aty zgjedhjet nëse nuk rregullohet. As rruga për të kaluar nuk ishte funksionala, por me kanale dhe gërmadhe. Mendova si do vijë mosha e tretë dhe të sëmurët. Të nesërmen çdo gjë e rregulluar. U befasova, dmth këtu kur duan e bëjnë brenda natës për vota, ndërsa spitalin 20 vjet nuk mund ta rregullojnë për shëndet. U befasuan edhe vëzhguesit e OSBE-së sepse edhe ata e kishin vizituar vendvotimin dhe të njejtën më thanë sepse qëndruan mbi dy orë për të ndjekur procesin.

Filluam procesin e votimit, u sitemuam secili me detyrat e veta me përgjegjësi, pa urrejtje dhe provokime. Filloi procesi për mrekulli. U mblodhën një turmë përpara shkollës nga BDI, ashtu siç e kishin pasur traditë, ua tërhoqa vërejtjen, u larguan. Nuk lejova asnjë individ të paautorizuar të futej brenda. Policia qëndronte me shumë kujdes dhe përgjegjësi. Vinin vendasit e mi, votonin qetë dhe të lirë! Unë ndjehesha shumë mirë që të paktën një ditë për kaq vite u ndjeva si në Zvicër.

Me korrektësi, pa urrejtje dhe provokime, bashkëpunuam me tërë stafin tim nga të gjitha partitë. Ajo që më bëri përshtypje ishte që e kisha një zëvendës antar nga ASH&AAA i cili pa interes nuk erdhi aspak, a në anën tjetër vëzhguesit nga BDI,VMRO, SDSM dhe kandidati i pavarur shikonin me shumë kujdes çdo imtësi dhe unë e vlerësoj. Dmth shkaku i dështimit të opozitës shqiptare në Kërçovë është mosorganizimi dhe luajtja e rolit të opozitarëve që në fakt nuk janë opozitarë por gënjejnë partitë dhe kjo nuk është në rregull sepse humbni besimin te populli, flas për vendvotimin tim. O merrni përgjegjësi, o mos merrni hiq dhe mos luani me nga 100 karta dhe fytyra sepse vetes i keni thënë burra dhe gënjeni kryetarët tuaj që “ju qenkeni opozitë”, a s’jeni asgjë përpos bisht i shtruar i pozitës.

Sidoqoftë unë falenderoj vendasit e mi që i habitën edhe vëzhguesit e OSBE-së me qëndrimin, korrektësinë, qytetarinë dhe pavarsinë. Cërvica ishte shembull votimi dhe jam krenare!
Falenderoj stafin tim shqiptarë dhe maqedonas nga të gjitha partitë sepse dëshmuam profesionalitet edhe në organizim edhe në anën ligjore dhe administrative.
Atyre që fituan suksese dhe uroj që të kenë prioritet spitalet!
Shteti mund të bëhet shtet ligjor nëse ne duam ta bëjmë dhe jo të bëjmë veten milionerë sepse në varr nuk marrim asgjë.
Zoti u bekoftë të gjithëve!
Shkruan Dr. Gjyla Çeliku në facebook

/ms