Pse nuk u ulë bashkë Dehari me Limanin..? (VIDEO)

Dy kandidatët për Kërçovën edhe pse erdhën në hapësirat e TV21, nuk u përballën me njëri tjetrin. Në fakt ishte kryetari aktual Fatmir Dehari i cili nuk deshi të përballet. Ai i pari hyri në studio dhe tha se ai komunikon me të gjithë, por vetëm nëpërmjet punës.

“Çdo qytetar ballafaqohet me punët tona dhe sigurisht qoftë zotëri Limani apo kushdo qoftë tjetër ka të drejtën të flasë me punën që ne kemi realizuar dhe komunikimi im qoftë edhe me kundër kandidatin tim nga VMRO-DPMNE-ja është puna”, tha Fatmir Dehari – kandidat i BDI-së për Kërçovën.

E kandidati i pavarur Fatmir Limani emisionin po e ndiqte nga një hapësirë tjetër dhe po priste radhën për të hyrë në studio. Kur hyri, tha se ka dashur me ngulm që të përballet me Deharin por ja që nuk ndodhi.

“Kërkova me ngulm që të jemi bashkë në këtë emision debativ, megjithatë popullata të na dëgjojë të dyve, të ballafaqohemi me të gjitha argumentet që i kemi përball, por sërish këtë do t’i lemë që më 17 tetor të vendosin qytetarët”, tha kandidati i pavarur për Kërçovën Fatmir Limani.
I pyetur nëse Kërçova mund të rrezikohet që në të ardhmen të mos udhëhiqet nga një kuadër shqiptar, Dehari u shpreh i bindur se qyteti i tij edhe më tutje do të frymojë shqip.

“Edhe në vitin 2021 mendoj që qytetarët kërçovarë në përgjithësi dhe të gjithë që jetojnë aty, meqë kemi komente të reja në fakt nga të gjithë komunitetet duke vlerësuar në atë që e prekin dhe e shohin dhe kërçovarët do të vazhdojnë të qeverisen drejt, mirë dhe bukur edhe në mandatin e ardhshëm 2021-2025”, shtoi kandidati i BDI-së për Kërçovën Fatmir Dehari.

Nga ana tjetër Limani kishte ardhur në emision me shumë fotografi të printuara, për mes së cilave tregonte punët që nuk i ka bërë Dehari. Edhe ai ishte i bindur për fitore, duke thënë se edhe mërgimtarët janë nën anën e tij.

“Të gjithë ata mërgimtar që vinin këtu dhe për të bë përkrahjen e Deharit sot janë nga përkrahja ime kjo është e para. Sot elementi Turk në masë 90% janë përkrahës të mi këtë e dëshmon edhe situata në terren”, potencoi kandidati i pavarur për Kërçovën Fatmir Limani.
Debatet në Click Plus vazhdojnë edhe sonte, ku do të ketë përballje për Komunën e Butelit dhe atë të Bërvenicës.

VIDEO:

/tv21