Zvicër: Fiton 184 milionë franga në lotari, por ndërroi jetë..

Falë lotarisë Euromillions, një punonjëse zvicerane në gastronomi, para tre vitesh u bë jashtëzakonisht e pasur.
Në fakt, së shpejti ajo ka dashur të udhëtonte me burrin e saj – por gjithçka doli ndryshe.

50-vjeçarja e fitoi mega çmimin e parë prej 183.9 milionë frangave zvicerane në Euromillions, në tetor 2018. Zviceranja nga Aargau qëndroi modeste. Edhe pse ajo mund të kishte kursyer shumë para duke u transferuar në ndonjë parajsë tatimore, vendit ku jetonte ajo i qëndroi besnike. “Dua të qëndroj këtu”, kishte pohuar atëbotë, informon portali Shtegu. Ajo gjithashtu nuk hoqi dorë nga puna e saj si kamariere.

Fituesja milionere ishte e martuar me një gjerman. 59-vjeçari të hënën për “Blick” tha se gruaja e tij “vdiq më 1 shtator”. Kanceri, të cilin ajo ndoshta e kishte pasur që në vjeshtën e kaluar, në fillim të vitit 2021 “shpërtheu vërtet”. Sipas tij, kimioterapia në Zvicër dhe Gjermani mbeti e pasuksesshme.

Në fakt, të dy kishin planifikuar shumë. “të udhëtojmë e ta shijojmë jetën”, tha ai për gazetën. Fatkeqësisht, kjo nuk do të ndodhë më. “E kam dashur shumë dhe më mungon shumë”. Ai dëshiron të qëndrojë në shtëpinë që ata kishin ndërtuar për veten e tyre.

Përveç kësaj, një sasi e caktuar duhet të rrjedhë në shoqatat bamirëse çdo vit. Megjithatë, sa prej milionave kanë mbetur, ai nuk e di. As kjo nuk është e rëndësishme për të. “Më mirë të kem gruan time përsëri”.

/shtegu.com