Ish-funksionari i BDI-së, nip i Ahmetit, kandidati i parë i pavarur për kryetar të Kërçovës

Fatmir Limani, profesor i historisë dhe ish -zëvendës drejtor i ESM-së, dje paraqiti kandidaturën e pavarur për kryetar të komunës së Kërçovës, transmeton Portalb.mk. Limani mblodhi gjithsej 420 nënshkrime, nga 350 sa ishin të nevojshme, konfirmuan zyrat rajonale të KSHZ -së në Kërçovë, transmeton MIA.

Në të njëjtën kohë, lista e parë e këshilltarëve të pavarur është regjistruar në këtë komunë, bartës i së cilës është Agim Sadiku.
“Sot e kemi kandidaturën e Fatmir Limanit për kryetar të Kërçovës në zgjedhjet e ardhshme lokale.

Ai mblodhi minimumin e nevojshëm prej 350 nënshkrimesh të qytetarëve dhe sot zyrtarisht paraqiti kandidaturën e tij. Gjatë ditës, u dorëzua lista e parë e pavarur e këshilltarëve, për të cilën nënshkrimin e tyyre e dhanë 372 qytetarë”, tha Mlladen Vançoski nga Zyra rajonale e KSHZ -së në Kërçovë.

Vançoski sqaroi se qytetarët mund të dorëzojnë listat e pavarura për mbledhjen e nënshkrimeve për kryetar ose këshilltarë deri më 30 gusht.
Limani u emërua zëvendës-drejtor dhe anëtar i Bordit udhëheqës ESM-së në vitin 2011, ku më parë ishte anëtar i Bordit mbikëqyrës.

Sipas informacioneve të publikuara disa muaj më parë nga Alsat, ai është nipi i kreut të BDI -së Ali Ahmeti. Limani atëherë tha se arsyet pse do të kandidojë si i pavarur janë për shkak të dështimeve të BDI -së, dhe veçanërisht kryetarit aktual të Kërçovës Fatmir Dehari.
Siç spekulohet, Limani për kandidaturën kishte mbështetjen krahut të ish -funksionarit të lartë të BDI -së, Musa Xhaferi.

Limani dhe Dehari pritet të përballen në rrethin zgjedhor më 17 tetor, duke pasur parasysh njoftimet se BDI do të shkojë në Kërçovë me kryetarin aktual, i cili do të konkurrojë për mandat të ri. Gjithashtu pritet që këtë herë LSDM-ja të qëndrojë prapa kandidaturës së Deharit, siç ndodhi në zgjedhjet e mëparshme në vitin 2017.

Për VMRO-DPMNE-në, nga ana tjetër, është e pasigurt nëse këtë herë do të shkojë me kandidatin e saj për Kërçovën, siç preferonte në të gjitha ciklet e mëparshme, apo përfundimisht do të mbështesë kandidatin e Aleancës për Shqiptarët, nëse ka është marrëveshje për bashkëpunim me këtë parti në zgjedhje.

/portalb.mk