Biografia e Qëndrim Rijanit..

Kërçova aktuale

Qëndrim Rijani, ka lindur më 30 mars 1990 në Kërçovë. Shkollimin fillor dhe të mesëm i ka kryer në vendlindje. Është diplomuar në degën e regjisë së teatrit në Universitetin e Arteve në Tiranë. Në po të njëjtin universitet ka kryer edhe studimet master – dega: regji teatri dhe spektakli, me temë të mbrojtur: “Kiçi dhe kthetrat e tij”. Gjithashtu ka qenë pjesë e disa specializimeve me karakter Workshopi.

Gjithashtu, është regjisor shqiptar i teatrit, operës dhe filmit. Karriera e tij është e pasur me vepra të huaja e shqiptare të shfaqura në shumë vende të Evropës të cilat janë vlerësuar me shumë çmime nëpër festivale. Shfaqjet e tij karakterizohen nga stili i tij i vrazhdë e i drejtpërdrejtë. Është edhe regjisori i operës së parë shqiptare në Maqedoninë e Veriut.
Karriera artistike:

Shfaqjen e tij të parë e solli në skenë në mënyrë të pavarur (pa ndihmën e një udhëheqësi artistik) në vitin e tretë të studimeve universitare. Veprimtaria e tij artistike është e pasur me shfaqje të huaja dhe shqiptare të realizuara me sukses në Shqipëri, Maqedoni dhe Kosovë, të cilat janë shfaqur edhe në festivale dhe teatro në shumë vende të Evropës si Bosnjë dhe Hercegovinë, Sërbi, Rusi, Zvicër e Turqi. Karriera e tij morri hov rreth viteve 2014-2015 me veprat “Doktor Shuster” dhe “Gjymtimi”, të cilat korrën sukses me një sasi të konsiderueshme çmimesh për moshën relativisht të re të regjisorit dhe i dhanë një shtysë jetës së tij artistike.

Në vitin 2018, Qëndrim Rijani është përzgjedhur si pjesë e jurisë tek Festivali Mbarëkombëtar i Teatrit në Tiranë. Në vitin 2019, Qëndrim Rijani solli para publikut shfaqjen “Xhelatët” dhe operën “Skënderbeu”. Dy vepra të një kategorie më të lartë kulturore, ku për përgatitjen e secilës prej tyre janë dashur dy vite punë. Aktualisht është regjisor i shtëpisë në Teatrin Shqiptar në Shkup, pedagog i jashtëm në Universitetin e Arteve në Tiranë ku ligjëron lëndën e Mjeshtërisë së Aktorit dhe pedagog i jashtëm në Universitetin e Tetovës ku ligjëron lëndën e Regjisë së Teatrit.

Deri më tani ka realizuar 17 shfaqje profesionale në teatro të ndryshme kombëtare dhe të qyteteve:
“Ne vijmë për Ajër”(Scotto Moore)
“Kapitulli i Dytë”(Neil Simon)
“Gjymtimi” (Martin Mcdonagh)
“Doktor Shuster”(Dušan Kovačević)
“Art” (Yasmina Reza)
“Gënjeshtër Pas Gënjeshtre” (Anthony Neilson)
“Ushtria e Ui Tomasit” (Martin Mcdonagh)
“Shtëpia e Bernarda Albës” (Federico Garcia Lorca)
“Darka e Thërrimeve” (Refet Abazi)
“39 Hapat” (Alfred Hitchcock)
“Gratë” (Robert Thomas)
“Roberto Xuko” (Bernard-Marie Koltès)
“Në Det” (Sławomir Mrożek)
“Jashtë Bie Borë” (Vincenzo Salemme)
“Xhelatët” (Martin McDonagh)
“Opera për tre grosh” (Bertolt Brecht)

Përveç këtyre, ka realizuar edhe një dokumentar të titulluar “Kokën Mbrapa” dhe një operë me emrin “Skënderbeu”, e cila është një ndër veprat më të rëndësishme të Qëndrim Rijanit si regjisor, të cilën e realizoi bashkë me kompozitorin Fatos Lumani dhe libretin Arian Krasniqi. Kjo vepër operistike shënon edhe shfaqjen e operës së parë shqiptare në Maqedoninë e Veriut, premiera e kësaj vepre historike është shfaqur në Teatrin e Operës dhe Baletit të Maqedonisë në Shkup në datën 23 dhjetor 2019.

Ajo që e karakterizon Qëndrim Rijanin është stili i vrazhdë që e përcjell në vepra përmes personazheve. Këta të fundit, në saje të ngarkesës së tyre emocionale dhe natyrës së tyre kaq të drejtpërdrejtë, vijnë nëpërmjet komedisë së zezë me një ashpërsi dalluese nga portretet e teatrit tradicional. Ky stil reflektohet edhe nga dramaturgu i tij i preferuar: Martin McDonagh, prej të cilit ka vënë në skenë tri vepra deri tani, si dhe ka marrë pjesë në një festival teatri kushtuar veprave të këtij autori në Perm të Rusisë.
Këto shfaqje (më sipër) janë vlerësuar me rreth katërdhjetë çmime. Përmes tyre , ai është vlerësuar edhe me tetë çmime personale si regjisor, përfshirë edhe çmimet si Regjisor i vitit në Maqedoni dhe Regjia e vitit në Shqipëri.
2013 – Ne vijmë për Ajër Scotto Moore
2013 – Kapitulli i Dytë, Neil Simon
2014 – Gjymtimi, Martin McDonagh
2015 – Doktor Shuster, Dušan Kovačević
2015 – Art, Yasmina Reza
2015 – Gënjeshtër Pas Gënjeshtre, Anthony Neilson
2016 – Ushtria e Ui Tomasit, Martin McDonagh
2016 – Shtëpia e Bernarda Albës, Federico Garcia Lorca

2016 – Darka e Thërrimeve, Refet Abazi
2017 – 39 Hapat, Alfred Hitchcock
2017 – Gratë, Robert Thomas
2018 – Roberto Xuko, Bernard-Marie Koltès
2018 – Në Det, Sławomir Mrożek
2018 – Jashtë Bie Borë, Vincenzo Salemme
2019 – Xhelatët, Martin McDonagh
2019 – Skënderbeu (Opera), Libreti: Arian Krasniqi
Kompozitor: Fatos Lumani,Teatri i operës dhe baletit, Shkup
2020 – Opera për tre grosh, Bertolt Brecht
2021 – Plus 18, autor :David Mamet&Arian Krasniqi
Çmimet personale:
Përveç çmimeve të shfaqjeve në festivale, Qëndrim Rijani është vlerësuar edhe me këto çmime vjetore për punën e tij si regjisor:
Viti 2015, Milingona e artë, Arritja e Vitit në Artin Skenik
Viti 2016, Akademia Kult, Regjia e vitit