Ndërroi jetë këngëtari Ylber Aliu..

Pas një sëmundje të rëndë ka ndërruar jetë këngëtari nga Shkupi, Ylber Aliu.
33 vjeçari, Ylber Aliu, kohëve të fundit po përballej me sēmundjen e veshkëve, ku edhe kishte pasur disa operacione në vend si dhe jasht shtetit.

Ylber Aliu ishte baba i dy fëmijëve.
Kryetari i komunës së Çairit Visar Ganiu, në rrjetet sociale shkruan: Me pikëllim të thellë sonte mora lajmin për ndarjen nga jeta në një moshë shumë të re të muzicientit të mirënjohur Ylber Aliut.

Ylberi gjithmonë do të mbetet në kujtimet tona si një artist dhe muzicient, por edhe si interpretues i ilahive, e mbi të gjitha edhe si një njeri me virtyte të larta.
Familjes, miqve dhe kolegëve të të ndjerit dua t’iu shpreh ngushëllimet më të thella!

Prehu në paqe Ylber, do t’i mungosh pa masë shoqërisë! -shkruan Ganiu.
Ngushëllime për vdjekjen e Ylber Aliut nëpër rrjetet sociale kanë shprehur shumë qytetetarë që kanē dëgjuar këngët dhe ilahitë e tij.

/lajmpress