Bullgaria bllokon integrimin, shtyhet hapja e negociatave për Shqipërinë dhe Maqedoninë e Veriut..

Edhe këtë vit Ministrat e Jashtëm të BE nuk e miratuan propozimin për hapjen e negociatave të integrimin. Në Luksenburg ka qenë Bullgaria e cila vendosi veton për shkak të përplasjeve me Maqedoninë e Veriut mbi pretendimet për gjuhën dhe identitetin. Po ashtu u refuzua dhe kërkesa për ta vlerësuar më vetë Shqipërinë.

Ministrat e Jashtëm të BE nuk kanë arritur një gjuhë të përbashkët për të hapur negociatat e integrimit me Shqipërinë dhe Maqedoninë e Veriut.
Në Luksenburg ka qenë Bullgaria e cila nuk ka vendosur të heqë veton për Maqedoninë e Veriut për shkak të pretendimeve për çështje që lidhen me historinë, gjuhën dhe identitetin e kombëtar.
Në deklaratën për mediat u bë e ditur se si pasojë e këtij diskutimi nuk u arrit në dakordësinë për të përcaktuar një datë për mbledhjen e konferencës ndërqeveritare.

“Ne e nisëm ditën me bisedimet për zgjerimin. Fatkeqësisht, pavarësisht të gjitha përpjekjeve tona, ishte e pamundur që të arrijmë një dakordësi për mbajtjen e kornizën e negociatave dhe mbajtjen e Konferencës së Parën Ndërqeveritare për Shqipërinë dhe Maqedoninë e Veriut. Ne shpresojmë se presidenca sllovene do të mund të arrijnë në përcaktimin e datës.

Perspektiva evropiane e Ballkanit Perëndimor është një pjesë jetike e Bashkimit Evropian”tha në konferencën për shtyp ministrja e Punëve të Jashtme të Portugalisë dhe njëherësh zv/presidentja e BE-së për Transparencën Ana Paula Zacarias.

Një ndër propozimet ishte dhe ndarja e vendimit për të dy vendet, ku Shqipëria të trajtohej më vete.
Madje dhe paralajmërimi i Ministrit gjerman për Europën, Mishael Rot, se një vendim tjetër negativ do të vinte në dyshim besueshmërinë e BE-së në rajon nuk ka dhënë efekt.

“Komisioni Europian dhe Qeveria Federale gjermane janë të mendimit se Shqipëria dhe Maqedonia e Veriut e kanë bërë pjesën e tyre dhe meritojnë një sinjal të qartë për këtë nga të 27 shtetet e Bashkimit Europian. Të kemi kujdes me rajonin sepse po lamë vakuume, patjetër që do të hyjnë të tjerë të cilët nuk i ndajnë vlerat tona.”

Edhe Isabel Santos, eurodeputetja portugeze dhe raportuesja për Shqipërinë, reagoi në Twitter se populli shqiptar e meriton një zhvillim pozitiv në drejtimin të afrimit me familjen europiane.
Por tashmë edhe pas tërheqjes së vendeve skeptike do të duhen diskutime diplomatike mes Maqedonisë së Veriut dhe Bullgarisë për të arritur në hapjen e negociatave për të dy vendet.

/oranews