Manifestimet për 20 vjetorin e Marrëveshjes së Ohrit do të zgjasin tre muaj..

Ministria për Sistem Politik dhe Marrëdhënie mes Bashkësive e drejtuar nga zëvendëskryeministri I parë, Artan Grubi, ka shpallur konkurs për organizimin e disa ngjarjeve dhe prodhimin e materialeve të ndryshme me rastin e shënimit të 20 vjetorit të firmosjes së Marrëveshjes së Ohrit, shkruan Fokus.

Sipas informacioneve në publikuara nga Byroja për furnizime Publike, procedura e tenderimit i referohet blerjes së biletave të transportit, shërbimeve rekreative, kulturore dhe sportive, shërbimeve hotelierike, shërbimeve për organizimin e ngjarjeve materialeve të shtypura dhe produkteve të ngjashme, transmeton gazeta LAJM.

Në këtë mënyrë, vetë prokurimi publik është i ndarë në 4 pjesë – organizimi i ngjarjeve dhe manifestimeve kulturore, krijimtaria, biletat ajrore dhe akomodimi dhe transporti, në mënyrë që secila kompani të jetë në gjendje të marrë pjesë në një ose më shumë vepra, nëse plotëson kërkesat specifike të kualifikimit.

Kontrata e prokurimit publik do të ketë një kohëzgjatje prej 3 muajsh, ndërsa orari i ngjarjeve është planifikuar të jetë në periudhën nga qershori deri në gusht 2021.

“Për shkak të pandemisë në vend, datat e sakta nuk mund të specifikohen dhe ato do të përcaktohen në varësi të rekomandimeve të Ministrisë së Shëndetësisë. Pas përfundimit të kontratës, autoriteti kontraktues do të informojë me kohë mbajtësin e prokurimit për numrin e mysafirëve, ngjarjet kulturore dhe ngjarjet dhe krijimtarinë e nevojshme,” thanë për Fokus nga Ministria për Sistem Politik dhe Marrëdhënie mes Bashkësive. Shkrimin e plotë mund ta lexoni në këtë LINK.

/lajmpress