Bekteshi thotë se ASH dhe BDI kanë pasur marrëveshje për Kërçovën, Mehmedi e pyet: Me cilën Aleancë..?
Ekzistimi i një marrëveshje mes dy partive shqiptare më të mëdha, Bashkimi Demokratik për Integrim dhe Aleancës për Shqiptarët u bë mollë sherri në Click Plus. Kreshnik Bekteshi nga BDI-ja thotë se këto dy parti kanë pasur marrëveshje në vitin 2017, se partia që do të fitojë më së shumti këshilltarë në Kërçovë, do të ketë të drejtën të propozojë kandidat për kryetar të Kërçovës për zgjedhjet e 2021.
Por, Remzi Mehmedi i ASH-së e pyet: Me cilën Aleancë ke pasur marrëveshje?”, ngaqë mohon të ketë pasur marrëveshje të tillë.
Bekteshi: Ne e kemi pasur një marrëveshje me Aleancën për Shqiptarët, parimore, në vitin 2017.
Mehmedi: Mos thuani të pavërteta. Jam nënkryear i partisë. Jam themelues i Aleancës. Me cilën Aleancë keni pasur marrëveshje.
Bekteshi: A mund ta përfundoj?
Mehmedi: Po s’mund ta përfundosh kur thuash një të pavërtetë. Po t’i thua një të pavërtetë totale! Nuk ke pasur marrëveshje.
Bekteshi: Atë marrëveshje, edhe zotëri Sela e ka thënë publikisht, se subjekti politik i cili do të fitojë në listën e këshilltarëve, në Komunën e Kërçovës, ai do të ketë të drejtën që të propozojë kandidatin për 2021.
VIDEO:
/tv21
