Në Kërçovë dekorohet Arjana Sadiku për 13 muaj përballje me virusin..! (VIDEO)

Mjekët dhe infermieret janë ata që kanë qenë në front të parë duke u përballur me luftën kundër Covid-19.
Jo një ditë apo dy por plot 13 muaj pa ndërpre, në vendin tonë shumë mjekë dhe infermiere edhe e kanë humbur betejën me Covid 19, andaj kjo e ka vështirësuar edhe më shumë situatën për personelin mjekësor.

Shoqata e motrave medicinale në Maqedoni “Florenc Najtingen” në çdo qytet ka shpërblyer me mirënjohje nga një infermiere e cila është përballur 13 muaj me pandeminë në vendin tonë.
Në spitalin e Kërçovës kjo shoqatë dekori me mirënjohje Arjana Sadikun e cila 13 muaj që nga fillimi i pandemisë ka qëndruar krah pacientëve si në Kërçovë po ashtu edhe në klinikën e Shkupit kur ka qenë e nevojshme.

“U mblodhëm ne të qytetit tonë për të dhënë një mirënjohje një motre e cila 13 muaj pa asnjë ditë të lirë pa asnjë ditë pushim dha mundin e saj, sakrifikoi familjen, sakrifikoi veten duke u marrë me pacientët të cilët aktualisht gjendjen në qendrën tonë. Kam nderin sot ti ndaj mirënjohjen motrës Arjana Nexhipi Sadikut”, tha Nora Nexhipi nga Shoqata e motrave shqiptare.

Infermierja e e cila mori mirënjohjen tha se këtë ua dedikon edhe kolegeve të saj të cilat kurrë nuk kanë rreshtur së qëndruari pranë pacientëve të cilët kanë pasur shumë nevojë në këtë periudhë pandemie.

“Për mua kjo ishte një suprisë e pa pritur, unë i falënderoj pa masë koleget dhe sidomos shoqatën që kanë marr këtë iniciativë sepse vërtetë ne për këto 13 muaj jemi duke sakrifikuar veten se edhe ne jemi me familje e posaçërisht për pacientët e bëjmë të pa mundurën shpresoj”, u shpreh Arjana Sadiku – motër medicinale.

Në Covid qendrën e Kërçovës për momentin janë të shtruar 36 pacientë me pasqyrë të rëndë klinike, dhe situata vazhdon të jetë e rënduar. Ndërsa janë vaksinuar 500 persona te moshës mbi 77 vjeçare.

VIDEO:

/tv21