S’ka targa për vetura në Kërçovë..! (VIDEO)

Më shumë se dy javë në Kërçovë nuk ka targa për veturat e reja. Qytetarët të revoltuar presin me javë duke u sorollatur lartë e poshtë. Ka edhe nga ata që kanë ardhur nga diaspora dhe kanë sjellë vetura e duan t’i regjistrojnë, por koha nuk iu premton që të presin.
Të njëjtin e hall e ka edhe ky banorë i cili jeton dhe vepron në Amerikë. Ai thotë se ka disa javë që po pret targat.

“Tash kur e bleva veturën dhe e regjistrova shkoj në MPB çdo herë që shkoj më thonë eja pas një jave, pas dy javësh. Punëtorët nuk kanë faj, mirëpo shteti si shtet duhet ndërmarrin masa që të mos vijë puna të presim për targa, shtet demokratik kandidatë për në Bashkimin Evropian bëhet gati të hyjë”, tha Blerim Imeri.

Ai pohon se pagesat i ka bërë të gjitha dhe po pret vetëm targat.
“I kam të paguara të gjitha, mungon vetëm tabela.(ngjitje) Autoritet i ka zënë gjumi i dimrit dhe nuk kanë asnjëfarë interesi që ti zgjidhin çështjet”, theksoi Blerim Imeri.

Nga Sektori për Punë të Brendshme Ohër thonë se ky problem do të zgjidhet së shpejti.
^“Është nënshkruar marrëveshje kornizë e cila ka të bëjë me targat.

Është zgjedhur operator i ri ekonomik dhe është e mundur një zvarritje e vogël për shkaqe teknike në dhënien e targave, por shpejt do të zgjidhet”, deklaroi Stefan Dimovski – zëdhënës i SPB-Ohër. Problem me targa ka edhe në disa qytete tjera të vendit. TV21 mëson se targa nuk do të ketë deri në fund të muajit.

VIDEO:

/tv21