Matjet e reja të Kadastrës, sherr në mes familjarëve, banorët e fshatit Cërvicë kërkojnë zgjidhje të shpejtë..(VIDEO)

Rrugës me makinë për në fshatin Cërvicë të Kërçovës, navigacioni të drejton gabimisht duke të futur nëpër shtëpi dhe prona private.
Jo vetëm kaq, banorët kanë probleme me pronat private, pas çka kohëve të fundit kanë përfunduar me sherre mes familjarëve dhe miqve.

Ky problem vjen që nga viti 2011 kur janë bërë matjet e reja të kadastrës dhe thuajse gati çdo vendbanim ka problem të këtilla, si hyrje në pronë të huaj me nga 3 metra, rrugë të evidentuara në mes të oborrit etj.
Kur vije puna për të rregulluar pronat në kadastër atëherë lindin problemet e mëdha.

“Territori prej territorit hynë nga 3 metra. Hynë komshiu tek komshiu, si nëpër ara po ashtu edhe nëpër shtëpi, deri më aq sa shtëpi të tëra duhet të zhvendosen sipas ri-matjes së re që është bërë. Deri më tani kemi bërë 4 kërkesa në kadastrën kryesore në Shkup, por prej atje nuk kemi asnjë përgjigje, ka ra në vesh të shurdhër dhe aspak se kanë marr në konsideratë”, deklaroi Feto Dauti.
Jo më larg se para disa ditëve ky fshat sërish pati një sherr më pronën dhe matjet e reja sa që u detyrua të ndërdyjë policia dhe procedura të kalonte në gjykatë.

“Neve në fshat gati çdo ditë mund të them, çdo matje që thirret kadastra ne si bashkësi lokale duhet të jemi prezentë sepse fillojnë problemet. Që në matjen e parë na paraqitet problem. Dje kishim një raste konkret ne e shohim ku është kufiri e dinë njerëzit se si ka qenë si është i rrethuar vendi me të gjitha rregulloret dhe parametrat e dimë vendin, kadastra e nxjerr dy metër e gjysme te vëllai”, u shpreh Betim Klosi.

Banorët thonë se është turp që një vend si Maqedonia e Veriut e cila pretendon të bëhet pjesë e BE-së të ketë problem të këtilla.
“Unë se di ku bijë kjo Kërcova a bijë në RMV a në Tunguzi apo Afrikë. I lutem ministrit të marrë masa ndaj drejtorëve dhe institucioneve të kadastrës që janë drejtori, zv/drejtori dhe të gjithë që punojnë atje që marrin nga paratë tona nga buxheti jonë dhe ne sot ti kemi këto probleme. Të paguajmë avokatin të paguajmë kadastrimin, noterin, gjykatën në fund policia edhe burgu”, shtoi Dauti.

Ata kërkojnë që të mbeten matjet e vjetra të 1973 dhe jo të 2011 tek të cilat kanë problem të mëdha. Banorët lajmëruan edhe masa më radikale nëse nuk përmirësohet gjendja e krijuar së fundmi. Problem të këtilla në TV21 kanë paraqitur edhe disa vendbanime të tjera të Maqedonisë. Kërkuam përgjigje nga zyra e Kadastrës në Shkup, por thirrjeve tona nuk iu përgjigj askush.

VIDEO:

/tv21