Në mbështetje të kërkesës nga diaspora kërçovare e bashkuar..!

Trupi në dhe të huaj,një pjesë e shpirtit në atdhe.Këtë dhe thënje te tjera te ngjashme si kjo, i kisha të lexuara gjatë kohës së studimeve në fakultetin e Gjuhës dhe Letërsis në Universitetin Luigj Gurakuqi të Shkodrës,por sot duke qenë gati prej 20 vitesh në SHBA,atë ndjenjë e kam prezente në jetën time.

Dëshmi për këtë është edhe kërkesa që doli nga shoqatat e kërçovarëve nga diaspora e bashkuar, të cilat klasës sonë politike në vendlindje i drejtuan kërkesën që mos humbin Kërçovën për inatet dhe interesat e tyre të ngushta politike,por të dalin të bashkuar rreth një kandidati.Iniciativ e cila ka një mbështetje të madhe nga diaspora jonë,se bëhet fjal që të ruajm Kërçovën tonë për të cilën kontributi diasporës është i madh në çdo sfer të jetës.Pra ne bashkatdhetarët sa herë ndëgjohemi e takohemi këtu me njëri tjetrin,temë diskutimi kemi vendlindjen.

Biseda larg interesit personal por jashtëzakonisht të interesuar në vendin tonë të ketë përparim. Zhvillim i cili duke pas parasysh funksionimin e shtetit më demokratik në botë,shofim se prosperiteti vjen nga respektimi i meritokracis dhe qarkullimi i elitave politike që lidhen me kufizimin e mandateve.Për fat të keq asnjëra nga këto nuk ka ndodh jo vetëm në Komunën e Kërçovës por në asnjë subjekt politik shqiptar.Ne erdhëm e votuam në vitin 2013 dhe 2017(dhe mirë bëm),për Kërçovën e cila gjatë qeverisjes 8 vjeçare ka zhvillime në infrastruktur dhe punësime,(cezarit duhet dhën atë që meriton).

Po,ndryshimi nuk ndodhi në respektimin e normave demokratike të cilat janë elementet më të rëndësishme për zhvillimin e shoqërive.Prandaj nepotizmi i morri frymën meritokracis dhe largojë rininë nga vendi ynë,në gjimnazin tonë qarkullojn video amoraliteti dhe konsumim e shitje drogash-arsimi u shkatërrua,spitali është në kushtet e vendeve afrikane,drejtësia zëvendsohet nga korrupsioni ndërsa pasiguria fillon nga bashkëpunimi i policisë me krimin.Shumë nga këto fenomene e dij se nuk mvaren nga kompetencat e Komunës.

Por ne shofim në Amerikë,se në rastin e fundit të ndryshimit të Presidentit,sa shumë entuziazëm u krijua në popullat dhe sa shpresë lindi nga ky ndryshim.Edhe në vendlindjen time, ky ndryshim psikologjik duhet të ndodhi.Në Kërçovën tonë të vogël ku të gjithë njifemi me njëri tjetrin kërkohet qeverisje gjithpërfshirëse, ku një nga kandidaturat reale të cilën e bazojë në bisedat e zhvilluara këtu me shumë aktivist është i dëshmuari si në veprimtari kombëtare edhe në qeverisje, atdhetari ynë Fatmir Beqir Limani.

Kandidatur e cila për shumë arsye në mesin tonë në Amerikë ka mbështetje të hapur,ndërsa në vendlindje nga frika e hakmarrjes politike njerzit rrijn të heshtur.Ajo që dua të shtoj në fund si thirrje vëllazërore e cila është në mbështetje të “Diasporës së Bashkuar Kërçovare”,është që pala jonë politike konkretisht BDI,si partia më e madhe,duhet sa më shpejt të organizojë takime me shoqatat e diasporës dhe opozitën shqiptare dhe të gjejn marrëveshjen e cila duhet të jetë në funksion të fitores së Kërçovës dhe jo partive.

Faton Jusufi,ish gazetar,aktivist i diasporës në Chicago