Çeliku: Në Maqedoni ka 1 milion e 200 mijë muslimanë, prej tyre 1 milion janë shqiptarë..

Ish-rektori dhe dekani i Universitetit të Tetovës, Arbër Çeliku ka shkruar një shkrim rreth asaj se sa është numri i vërtetë i shqiptarëve në Maqedoninë e Veriut, shkruan InfoShqip.
Ai ka shkruar se në Maqedoninë e Veriut jetojnë 1 milionë e 220 mijë myslimanë dhe nga ato afër 1 milionë janë shqiptar dhe ka akuzuar BFI-në se ato e dijnë këtë gjë por e fshehin me vite.

Postimi i plotë:
“Përse po hesht në vazhdimësi BFI-ja për numrin real të shqiptarëve në RMV?!
E kam thënë dhe po e them sërish: mbase shtetit dhe politikës u pengon numri real i shqiptarëve në RMV se jua përmbys gënjeshtrën dhe mashtrimin shekullor, por BFI-ja e ka për detyrë kombëtare të dalë dhe të tregojë realitetin se të gjithë ne paguajmë anëtarësim për shekuj me radhë…

Po e përsëris apelin tim para 2 vjetësh nëpër media:
“Numrin e saktë të shqiptarëve në RMV më mirë se BFI-ja nuk e di askush, sepse denbabaden ne paguajmë hoxhallëk, por ja që nga aty ende asnjë haber; madje as ata, të cilët nuk paguajnë ndodhen në defterin e BFI-së, sepse ka pasur raste kur një person i caktuar nuk ka paguar dhe është dashur të mbledhim para, që hoxha ta varroste…

Sa i kam unë informatat, në RMV ka rreth 1.220.000 myslimanë, nga të cilët afër 1 milion janë shqiptarë…
Le të më korrigjojnë personat përgjegjës të BFI-së, nëse e kam gabim”, ka shkruar ai.

/infoshqip