Kërçovë: Blegtorët të pakënaqur me subvencionet..(VIDEO)

Blegtorët të pa kënaqur nga kushtet dhe ndihmat që marrin nga shteti. Ajet Ziberi është 66 vjeç. Ai me blegtori merret mbi 58 vjet dhe në fund thotë se merr 110 euro pension.
Blegtorët nuk kanë vullnet për punë thotë Ajeti sepse subvencionet janë shumë të ulëta edhe ato i vonojnë dhe nuk ka kushte për blegtorët, na kanë premtuar shumë por nuk na kanë dhënë asgjë, tha ai.
Subvencionet e vitit të kaluar ende nuk i kanë marrë, pritet që të njëjtat të lëshohen gjatë kësaj periudhe gradualisht.
Ajeti mendon se subvencionet duhet të jepen në tetor që blegtorët të furnizohen për dimër.

“Subvencionet i vonojnë dhe subvencionet duhet të jepen në tetor dhe nëntor që të sjellim drithë, të furnizohet para kohe sepse vinë lagështi, kamionët nuk shkojnë deri tek kasollja, kanë shumë problem blegtorët. Këta kanë gabime të mëdha sepse edhe një blegtor që ka pak dele, ka 30 dele, duhet t’ju japin dyfishin e shumës që t’ju japin vullnet të punojnë, sepse blegtorët janë edhe të pa shkolluar edhe pa vullnet”, shprehet Ajet Ziberi, blegtor.
Ai shprehu pakënaqësi edhe nga tregtarët që blejnë qengjat dhe djathin sepse kanë luhatje të mëdha nëpër çmime dhe të hollat nuk ua japin në kohë.

“Tregtarët na shkatërruan krejt, tregtarët e qengjave, vjet i kemi dhënë për 135 denarë, ndërsa këtë vit 35 denarë, dikush 140 denarë. Varet nga tregtarët, sepse ne nuk kemi përfaqësuesin tonë që të vendosë një çmim dhe të thotë kaq është çmimi dhe ai e di kur ta shesë. Edhe të hollat na i vonojnë, blegtorit i duhen të hollat sepse duhet të paguaj punëtoret, njëri 500, njëri 600, njëri 400 euro kur vjen koha duhet t’ia japish të hollat të shkojë në shtëpi, ndërsa ti nuk ke”, shtoi më tej Ziberi.

Ai thotë se subvencionet tek ne janë më pak se 20 euro në kokë deleje ndërsa thotë se Serbia jep 63 euro. AI mendon se duhet të jepet edhe tek ne të paktën 50 euro në kokë delje sepse në të kundërtën rinia nuk i hyn kësaj pune sepse nuk ka llogari.

“Subvencionet duhet ti lëshojnë në kohë, rrugët malore të rregullohen, ujin për delet blegtorëve duhet të ua ofrojnë ato kushte, panelet duhet ti sjellin, ata që janë blegtorë tu ndihmojnë le t’ju japi më shumë të mos e humbë vullnetin e punës sepse ai do t’i shesë edhe ata . Rinia janë duke u zhdukur, e kanë humbur vullnetin e punës edhe ai që shkon në punë nuk I jepet 250 euro ai s’mund të jetoj me ata duhet ta ketë rrogën maksimum 500 euro”, tha ai.

TV21 kërkoi qëndrim nga ministri i Bujqësisë Arjanit Hoxha për vonesën e subvencioneve. Ai tha se deri tash janë bërë pagesa mbi 1.5 miliard denarë për subvencione në bujqësi. Me siguri që komfor dinamizmit do përmbushen të gjitha. Institucionet punojnë me kapacitete të përgjysmuara shkaku i pandemisë dhe normalisht kërkojmë mirëkuptim nga të gjitha palët, tha Hoxha.

VIDEO:

/tv21