Kërçovari Profesor Dr. Ismail Ahmedi me ekspozitë të dorëshkrimeve arabe ..(FOTO)

Në kornizën e bashkëpunimit mes Ambasadës së RMVsë në Emiratet e Bashkuara Arabe-Abu Dhabi dhe Institutit të Trashëgimisë Kulturore u bë hapja solemne e ekspozitës së dorëshkrimeve arabe në Maqedoninë e Veriut.

Ekspozitë ekskluzive dhe e para e llojit e përgatitur enkas nga Profesori i mirënjohur me renome ndërkombëtare akademike nga Kërçova, Profesor Dr. Ismail Ahmedi. Ekspozita e tij mori vendin qendror në hapësirën e Festivalit të 18të të Trashëgimisë Kulturore te Sharikas (20 mars 18 prill 2021) nën moton “Kultura na Bashkon”.

Në suaza të festivalit me 07 prill 2021 u bë promovimi i librit të Profesor Dr. ISMAIL Ahmedit nga vepra e tij shkencore: “Kultura arabe në Maqedoninë e Veriut dhe Kosovë mes shekullit XV-XVIII”.

Në suaza të po të njëjtës akademi shkencore u bë edhe promovimi i librit të përbashkët të Prof. Mesud Idriz dhe Muhamedali Ali, përmbledhje e disa artikujve dhe hulumtimeve të botuara nën një kopertinë dhe me fokus në trashëgiminë kulturore arabe ne Evropën juglindore si dhe katalogun e prijësve fetar ne Balkan pas shekullit të XIX.

Për shkaqe objektive Prof. Ismail Ahmedi nuk pati mundësinë të mer pjesë në këtë eveniment qëndror. Prandaj Dr. Muhamedali Ali, bëri edhe prezantimin e librit të Prof. Dr. Ismail Ahmedit, prezantim i cili zgjoi interes të veçantë nga të pranishmit dhe më gjërë nga mediumet prezente në këtë eveniment shkencor.

Foto:

/ts