Vështirë të gjeni punë në Gjermani për momentin..
Edhe përkundër lehtësimeve për punësim për punëtorët pa kualifikime dhe ato me kualifikime të ulëta në tregun gjerman të punës, megjithatë qytetarët e Maqedonisë së Veriut, Shqipërisë, Kosovës, Mali ti zi, Bosnje e Hercegovinës dhe Serbisë, vështirë po punësohen në Gjermani, si rrjedhojë e masave të reja shtrënguese të pandemisë
Zhvillimi i mëtejshëm i situatës së rënduar me pandeminë në Gjermani do të lehtësojë edhe ardhjen e punëtorëve nga Ballkani Perëndimor në ekonominë më të fuqishme evropiane. Vlerësohet se sidomos veprimtaritë që edhe në këto kohë krize kanë punuar me fitim, si shërbimet e dërgesave, tregtisë, farmacia dhe mjekësia, do të kenë nevojë më të madhe për punëtorë të kualifikuar. Përkundër faktit se kanë kaluar një vit nga Ligji për shpërngulje të fuqisë profesionale në Gjermani, megjithatë mbylljet e kohëpaskohshme periudhën e kaluar, por edhe ato aktuale – po ndikojnë në vështirësitë e ardhjes së fuqisë punëtore nga Ballkani në Gjermani.
Drejtori i Institutit për hulumtime të migracionit pranë universitetit “Ludvig Maksimilijan”, Panu Poutvara thotë se vendosja e masave shtrënguese dhe ardhjes së vështirësuar të qytetarëve nga rajonet me rrezik për shkak të pandemisë, kanë zvogëluar edhe më shumë fuqinë punëtore nga jashtë që është e domosdoshme për ekonominë gjermane. Njëherësh, askush nuk mund të parashikojë se si do të zhvillohet më tej situata, shton ai.
Edhe përkundër lehtësimeve të punësimit për punëtorët pa kualifikime dhe ato me kualifikime të ulëta në tregun gjerman të punës, megjithatë qytetarët e Maqedonisë së Veriut, Shqipërisë, Kosovës, Mali ti zi, Bosnje e Hercegovinës dhe Serbisë, vështirë po punësohen në Gjermani si rrjedhojë e masave të reja shtrënguese të pandemisë. Në këtë ka ndikuar edhe përkufizimi në 25 mijë persona nga rajoni që mund të hyjnë dhe punojnë në vit në Gjermani nga Ballkani. Fluksin e dobët të punëtorëve drejt Gjermanisë e dëshmojnë edhe të dhënat se në muajt janar dhe shkurt të vitit 2020, para shpalljes së pandemisë, janë dorëzuar 5500 kërkesa për viza, ndërsa në periudhën nga muaji prill i vitit të kaluar deri në muajin janar të vitit 2021, ka pasur vetëm 2600 kërkesa.
Nga ana tjetër, vitet e fundit në tregun gjerman të punës po mungojnë punëtorët me kualifikim të ashtuquajtur të nivelit të mesëm: infermierë, kujdestarë, ndihmës në kopshtet e fëmijëve dhe profesionistë si elektricistë apo marangozë. Vlerësohet se punë të tilla mbulojnë 60 për qind të tregut gjerman të punës. Vitet e fundit, nga Maqedonia në Gjermani kanë ikur me dhjetëra mijë punëtorë të kualifikimeve të ndryshme si mjekë, motra medicinale, inxhinierë të profileve të ndryshme, punëtorë të ndërtimtarisë, shoferë, berberë…
Megjithëse pandemia vetëm se ka rritur nevojën për personelin mjekësor nga rajoni, edhe më tej ndjehet mungesa e personelit në spitale dhe qendra e përkujdesjes për personat e moshuar, që për shkak të pandemisë, e kanë të vështirë të vijnë në Gjermani. Edhe kushtet e vështirësuara të punës që kanë qenë ose janë të mbyllura përkohësisht. Vlerësohet se parashtruesit e vizave për punë edhe më parë kanë pritur gjatë për termin, ndërsa pandemia ka vështirësuar edhe më tej këtë problem të vjetër. Ndryshe, pas përhapjes së varianteve të reja të COVID-19 dhe rritjes së rasteve të shtrimeve në spitale, një pjesë e madhe e shteteve evropiane po rikthejnë kufizimet.
Izolimi në Gjermani do të mbetet në fuqi të paktën deri në fund të marsit dhe hotelet nuk presin dot turistë që prej nëntorit. Mjekët e kujdesit intensiv në Gjermani kanë bërë thirrje që vendi duhet të kthehen sërish në karantinë për të shmangur valën e tretë të COVID-19. Aktualisht, Gjermania është në karantinë të pjesshme. Pavarësisht se vaksinimi ka nisur relativisht herët në vend, numri i infektimeve me COVID-19 gjithnjë rritet. Numri total i infektimeve ka shkuar 2.578.835, ndërkohë që ai i viktimave është rreth 74 mijë në të gjithë vendin që nga fillimi i pandemisë. Fillimisht Gjermania është konsideruar një ndër vendet evropiane që janë përballur më mirë me pandeminë dhe pasojat e saj socio-ekonomike, por duket sikur vala e dytë ka gjetur këdo të papërgatitur.
/tvkoha