Zvicër: Deri në verë të hapet gjithçka..

Në një letër të përbashkët për Këshillin Federal, EconomieSuisse, Gastrosuisse, si dhe sindikatat USS dhe USAM bëjnë thirrje për disa masa për ta nxjerrë vendin nga pandemia sa më shpejt të jetë e mundur, transmeton albinfo.ch.
Sipas tyre, janë disa kërkesa interesante rreth hapjes së Zvicrës në të gjitha fushat e saj, përkundër pandemisë.

Këto kërkesa, sipas tyre, përfshijnë vaksinimin, si dhe hapa për të siguruar që të gjithë ata që duan të inokulohen deri në korrik të jenë të lirë për të ushtruar të gjitha ato që duan.
Ata shprehen se vaksinimi në Zvicër duhet të bëhet te çdo person i rritur në mënyrë që virusi të mos kërcënojë asnjë njeri, fushë dhe biznes në Zvicër dhe ekonomia të ecën në hapa të sigurt.

Një masë tjetër është testimi falas, në shkallë të gjerë, së bashku me sigurimin e furnizimit me ilaçe dhe pajisje mjekësore, dhe kalimin dixhital Covid, të kërkuar për të marrë pjesë në ngjarje të mëdha sportive, të jashtme dhe ngjarje të tjera të mëdha.

/Albinfo.ch