Maqedoni: Më mirë të shërohesh në shtëpi, sesa të vdesësh në spital..!

Përvojat në spitalin e Tetovës ishin përvoja që nuk do t’i harroj kurrë në jetën time, shkruan Rufije Azi në një status të gjatë në Facebook, në të cilin ajo pohon se kovid protokollet në spitalin e Tetovës shkelen, si dhe se për shkak të kujdesit joadekuat në objektit, babai e pastaj edhe nëna e saj 70-vjeçare janë infektuar me kovid, raporton SlobodenPeçat.

Lexoni fjalën e saj për publikun:
“Kisha dëgjuar nga shumë njerëz, të cilët thoshin: Zoti mos e bëftë të përfundosh në spitalin e Tetovës, ku ryshfeti dhe korrupsioni të mbajnë gjallë, ku as pastruesi pa futur diçka në xhep nuk e hap derën, ku papastërtia e përkeqëson situatën

Babai im ishte i sëmurë, ata i thanë se ishte ftohur, pas disa ditësh gjendja e tij u përkeqësua, mjeku e dërgoi për analiza ku u dërgua në spital sepse nuk kishte hekur në gjak dhe e mbajti në spital në qendrën infektive, ku të gjithë pacientët në dhomë ishin infektuar me KOVID 19.
Me insistimin tonë, u bë test për koronë, që gjithashtu doli pozitiv, ishte infektuar…

Mjekët na thonë se dikush duhej ta shoqëronte sepse nuk kishin mjaft infermiere, kështu që nëna jonë 70-vjeçare u detyrua të qëndronte me të sepse të gjithë jetojmë jashtë vendit.

Pas ditës së pestë, unë dhe vëllai im vendosëm të kthehemi në Tetovë sepse edhe nëna ime u sëmur dhe si të mos sëmuret në një dhomë me 4 pacientë të sëmurë dhe katër në vizitë, ndërsa ka vetëm një karrige.

Kam një thirrje për të gjithë ata që do të infektohen me koronë: është më mirë të trajtohesh në shtëpi sesa të vdesësh në spital! Nëse dikush është kundër ose nuk beson, unë kam aq shumë prova, kaq shumë regjistrime, sa do t’i publikoj publikisht!, Shkruan Rufija e revoltuar, e cila përveç kësaj publikoi foto të gjendjes aktuale të spitalit të Tetovës.
Zëdhënësi i spitalit të Tetovës, d-r. Gëzim Nuredini, në një prononcim për “Slloboden Peçat” thotë se ai është në dijeni për akuzat e Rufijes.

– Familjarët e pacientit për të cilin po flisni, jetojnë në Zvicër. Kushtet në spitalin e Tetovës nuk janë si në Zvicër, por janë ashtu siç janë, megjithatë nuk janë ashtu siç ka shkruar ajo. Kovid qendra trajton vetëm pacientët që janë të infektuar me kovid, por gjatë shtrimit në spital përfundimisht mund të jetë negativ brenda dy javësh.

Vizitat lejohen vetëm duke ndjekur protokollet, përndryshe nuk ka vizita. Ka dhoma ku ka vetëm një pacient, por ka edhe me nga dy, kushtet dhe higjiena janë si janë, të njëjtat për të gjithë. Vizita nuk lejohet dhe ne e mohojmë pretendimin e pacientit se ka pas katër pacientë dhe katër anëtarë të familjes në një dhomë. Ajo është shumë e shërbyer, madje edhe më e mirë se të tjerët, thotë Dr. Nuredini.

Ndryshe nga spitali i Tetovës, në klinikat e Shkupit dhe kovid qendrat, vizitat në dhoma të çfarëdo lloji janë rreptësisht të ndaluara, ndërsa gjërat e nevojshme për pacientët sillen vetëm përmes personelit ndihmës mjekësor.

/portalb