Zvicër: Të rinjtë duan hapjen e menjëhershme të restoranteve..

Shumica e banorëve të moshës së re të Zvicrës dëshirojnë që restorantet të hapen gjatë marsit. E kundërta ndodh me të moshuarit: ata janë për hapje më të ngadalshme.
Kjo tregohet në një sondazh përfaqësues nga “Link Institute”, të publikuar nga Blick.

Ja si duken preferencat bazuar në moshën e të anketuarve: 45 për qind e tyre midis moshës 18 dhe 50 ishin pro hapjes së restoranteve në mars; 22 për qind votuan për hapjen më 1 prill; 22 për qind për hapjen gjatë prillit dhe 11 për qind, jo para 1 majit

Personat nga grupi i të anketuarve të moshave 51 deri 79 vjeç tregohen më të duruar, trasnmeton albinfo.ch. 36 për qind e tyre ishin për hapjen e restoranteve dhe bareve gjatë marsit, 27 përqind më 1 prill, 30 për qind gjatë prillit dhe 7 për qind, jo para 1 majit.

Përgjegjësit nga Instituti Link thonë se një nga arsyet kryesore për dallimet në preferenca është se grupmosha më e re ka më shumë gjasa të punësohet dhe për këtë arsye më shumë preket nga masat e koronavirusit, transmeton albinfo.ch. Instituti ka anketuar rreth 1100 njerëz për tetë ditë, duke filluar nga 1 marsi.

/albinfo