Lloji i virusit britanik po shpërndahet shpejt, Filipçe: Në fund të muajit do të fillojë imunizimi masiv..

Virusi Kovid-19 i llojit britanik po shpërndahet në mënyrë rapide. Sipas ministrit të Shëndetësisë, Venko Filipçe për dy ditë nga 20% të prekur, rezultatet kanë treguan se ky numër është rritur në 50%. Ai shtoi se sipas analizave të bëra ka një rritje të lehtë të numrit të infektuarve më koronavirus, por nuk ka nevojë për shtrëngim të masava anticovid.

“Kemi evidentuar rritje të numrit të pacientëve me variantin e ri të virusit britanik, gjatë periudhës së kaluar. Nga 20% sa ishin evidentuar periudhën para dy ditësh, rezultatet treguan se ky numër është rritur deri në 50% nga numri total i të diagnostikuarve. 07.33 -46 Po analizojmë gjendjen në gjithë territorin e vendit dhe shohim se ka një rritje të lehtë të numrit të të hospitalizuarve në krahasim me muajin e kaluar”, deklaroi Filipçe.

Që kur ka filluar procesi i vaksinimi në vend janë vaksinuar afër 700 mjekë dhe infermiere nga spitalet Covid, ndërsa Filipçe pret që deri në fund të muajit të vijnë edhe vaksinat tjera dhe të filloj edhe imunizimi masiv i popullsisë.

“Tashmë funksionon mirë sistemi i terminëve, afër 95 mijë qytetarë janë paraqitur përmes faqes vakcinacija.mk ose përmes mjekëve amë. Prej tyre 44 mijë janë qytetarë të moshës mbi 70 vjet me sëmundje kronike, pra ato janë grupi i parë prioritar i qytetarëve që duhet të vaksinohen pas kuadrit mjekësor. Menjëherë kur do të arrijnë vaksinat, për dallim nga vaksinat e tashme ato do të shpërndahen deri te pikat e vaksinimit në vend dhe do të fillojë vaksinimi masiv i popullatës”, shtoi Filipçe.

Vaksinimi për momentin realizohet në gjashtë pika, në dy ndërrime, duke filluar nga ora 08:00 deri në ora 20:00, nga e hëna deri të shtunën. Personeli mjekësor është duke e pranuar vetëm dozën e parë të vaksinës Pfizer, ndërkohë që të dytën duhet ta marrin pas 21 ditësh nga pranimi i saj. Ndërkohë Filipçe, theksoi se do të bëhet vlerësim nëse në vend duhet të furnizohen edhe sasi të përshtatshme të vaksinës ruse kundër Kovid-19.

/TV21