Shkuan për të rregulluar makinën, dy vëllezërit bëjnë për spital pronarin e servisit..

Një sherr me sende të forta është regjistruar në Bulqizë. Raportohet se dy vëllezër janë zënë me pronarin e një servisi.
Policia ka identifikuar dy vëllezërit dhe njëri nga ata jeton në Durrës, ndërsa tjetri në Bulqizë. Shkaqet e sherrit nuk bëhen të ditura.

Njoftimi i policisë:

Nga specialistët për Hetimin e Krimit në Komisariatin e Policisë Bulqizë u shpallën në kërkim policor dhe po punohet për kapjen e shtetaseve, I.XH., 49 vjeç, banues në Durrës; M. Xh., 38 vjeç, banues në Bulqizë (vëllezër).

Këta shtetas me datë 03.02.2021, pas një konfliktit për motive të dobëta kanë goditur me sende të forta në ambientet e servisit të tij, shtetasin B.K., 45 vjeç, i cili ndodhet në spital jashtë rrezikut për jetën. Nga shërbimet e Policisë vijon kontrolli i zonës për kapjen e tyre.

/ms