Tre vite pa Sali Ramadani-Kërçova! nga Sylbie Bajrami Ramadani

Sot u bënë tri vite që na dha lamtumirën e fundit Sali Ramadani-Kërçova!
Në vitin 1977 ia dhamë dorën njeri-tjetrit,s’bashku udhëtuam në të njëjtën rrugë gati pesë dekada,në të mirë dhe në sfida që na solli jeta.

Kaluan tri vite që ma lëshove dorën,ike në botën e amshueshme, sepse ashtu deshi Zoti e jo Ti.
Më mungojnë shumë këshillat tuaja,debatet që i bënim për situatën politike.
Më mungon epiteti kur më quejshe,”opozita ime”.

Më mungon inspirimi ytë për integrimin e femrës në zhvillimet politike.
Tek ti posedojnë vlerat shumëvjeçare për kontributin tënde që ke punuar me një angazhim maksimal, për shkollimin dhe emancipimin e femrave shqiptare.
Porosia jote ishte,’Emancipimi i femrës është për të mirën e saj dhe të shoqërisë, kjo i jep një imazh shtetit se në cilën shkallë të kulturës je si shtet apo komb”.
Në jetën tonë bashkëshortore kishim mirëkuptim, sinqeritet dhe dashuri reciproke.

Jetën dhe punën e kishte të programuar.
Çdo herë i afrohej njerëzve dhe kërkonte individ me dije të pjekur.
Kurr nuk e përfillte injorancën.

Virtyti, dinjiteti kombëtar, dhe atdhedashurie patriotike ishte ideali më i lartë te Sali Ramadani-Kercova!
Sa më shumë po kalon koha aq më tepër e ndjejmë mungesën tënde, si baba, si gjysh si vjeherr dhe si bashkëshorti dhe shok i jetës!
Nuk na mbetet tjetër vetëm ti lutemi Zotit që ta shpërblejë me Xhennet!

Shkruan Sylbie Bajrami Ramadani ne facebook