Vaksina e Modernas funksionon edhe ndaj variantit të ri të koronavirusit..

Pak më parë është publikuar një lajm i mirë nga mediat e huaja në lidhje me vaksinën kundër Covid-19. Sipas shkencëtarëve të kompanisë farmaceutike, vaksina Moderna funksionon kundër varianteve të reja të gjetura në Mbretërinë e Bashkuar dhe Afrikën e Jugut.

Kujtojmë se variantet e reja janë përhapur shpejt në një numër të madh vendesh, ndërsa sipas ekspertëve lloji britanik, mund të jetë deri në 70 përqind më i transmetueshëm.

Për këtë studim, u analizuan mostrat e gjakut të marra nga tetë persona që kishin marrë dy doza të rekomanduara të vaksinës Moderna, por sipas ekspertëve nevojiten më shumë studime që të vërtetohet se vaksina Moderna funksionon 100 për qind ndaj variantit të ri të Covid.

/Burimi: www.bbc.com