Kërçovë, kaos në rrugën 11 tetori..! (VIDEO)

Në orët e pasdites në këtë lagje krijohet rrëmujë dhe banorët që jetojnë në këtë ndërtesë nuk kanë ku të parkohen e as nuk kanë si të dalin në rast nevoje, sepse veturat e tyre bllokohen nga veturat e parkuara vend e pa vend.

Në këtë pjesë janë hyrjet e ndërtesave, por edhe hyrjet e pasme të lokaleve të cilat funksionojnë poshtë ndërtesave dhe kjo bënë që rruga të jetë e stërmbushur me vetura.

“Veturat këtu, drejt këtu parkohen pa dallim a janë të atyre apo të dikujt tjetër kush të arrijë këtu parkohet edhe policia po parkohet, iu tregoj hapur tek unë nuk ka gënjeshtra, atje përpara vendi është i joni 14 vjet na e kanë uzurpuar, kryetari ua ka dhënë kanë bërë 2 kate shtëpi”, tha një banore.

“Unë të shkoj tani në qytet dhe kur të kthehem nuk kam ku të pakohem. Edhe unë jam më atë siç thotë Mica, kafenetë kanë zënë vendin tonë. Atje ku parkoheshim më parë është e jona dhe tani na thonë pse hyrjet kane qenë në anën tjetër, ne nuk jemi fajtor për atë”, shtoi një tjetër banor.

Ka raste kur as ndihma e shpejtë e as zjarrfikësit nuk kanë mundur të intervenojnë për shkak të kaosit që krijohet aty. Banorët gjithashtu kanë hall edhe me zërin e lartë të muzikës që vjen nga lokalet poshtë banesave.

“Unë e kam burrin të vjetër të sëmurë më ka ndodhur, këtu ka pasur veturë të parkuar, edhe këtu do të parkohen deri të hyrja dhe tjetra pas saj, të shihni çka është në mbrëmje dhe në ora 18 kur të dalin si të çmendur. Nuk na ka mbetur gjë tjetër veç se të largohemi prej këtu, kemi hall të madh me muzikën, le të ketë muzikë brenda por të ketë qetësi të paktën”, theksoi një banore.

“Çdo herë kemi kërkuar dhe asgjë nuk është ndërmarrë edhe policia është e korruptuar dhe gjithçka është në rregull si e para edhe kryetarët edhe kush do qoftë tjetër janë të lidhur familjarisht dhe nuk ke çfarë të bësh, kjo është”, potencoi një tjetër banor.

Pyetëm në stacionin policor të Kërçovës. Nga atje konfirmojnë se pothuajse çdo ditë dikush paraqitet për këtë problem. Policia intervenon në atë moment, por më pas situata vazhdon të jetë e njëjtë.

VIDEO:

/tv21