Kërçovë mësimi do të zhvillohet pa pengesa

Pas pushimit dimëror, sot ka filluar gjysmëvjetori i dytë i vitit shkollor 2020/2021.
Të gjitha shkollat fillore dhe të mesme në Kërçovë i kanë bërë parapërgatitjet e duhura për mbarvajtjen e procesit mësimor të kombinuar si pasojë e gjendjes aktuale me pandeminë Covid 19.

Nga informatat dhe vizitat e drejtpërdrejta nëpër shkolla mësuam se gjatë periudhës së ardhshme mësimi do të zhvillohet pa pengesa të theksuara.
Sektori për arsim vazhdimisht ka qenë në komunikim me drejtorët e shkollave fillore dhe të mesme me qëllim të plotësimit të nevojave për të siguruar kushte adekuate për nxënësit, mësimdhënësit dhe stafin pedagogik.

Me dëshirë të tejkimit sa më shpejt të gjendjes së pandemisë, të gjithë nxënësve dhe stafit të shkollave Ju dëshiroj suksese në mësime, si dhe punë të mbarë e pa pengesa.
Suksese, nxënës të dashur.

Komuna e Kërçovës,
Kryetar,
Fatmir Dehari