Enver Hoxhaj si Burdushi: Albin Kurti s’ka fuqi shpirtërore të formojë qeverinë..

Anëtari i kryesisë së PDK’së, njëherësh zëvendëskryeministër në detyrë, Enver Hoxhaj, ka dhënë një deklaratë të çuditshme në lidhje me ngërçin për formimin e qeverisë nga ana e Albin Kurtit. Hoxha shquhet për deklaratat dhe veprimet e tija kontroverse e të çuditshme, mirëpo tani po thotë se Albin Kurti nuk ka fuqi shpirtërore për formimin e qeverisë së re.

“Por kjo se çfarë po ndodh tregon që përgjegjësinë kryesore e ka VV-ja dhe z. Kurti pasi që ata e kanë marrë konfirmimin prej presidentit si mandatar dhe duket që nuk po gjen as vullnet politik po as fuqi shpirtërore që ta bëjë një zgjidhje me një partner të koalicionit”, thotë Hoxha në një intervistë për Ekonomia Online.

Kjo deklaratë e ish-diplomatit dhe njeriut që pati shumë pozita pas l uftës në qeverinë e Kosovës, ngjason me atë të falltorit të njohur nga Prizreni, Hysri Peqani – Burdushi.

Burdushi ditë më parë tha se Albin Kurtit i është bërë magji dhe se nëse ati i lejohet nga shteti që të shkon tek zyra e Albin Kurtit t’ia ‘s’përkat dyert’, qeveria pastaj do të formohet.

/gazetametro.net