I lënë pas dore me vite të tëra..! Fillon faza e dytë e ndërtimit të spitalit të Kërçovës, s’ka afate konkrete..(VIDEO)

I lënë pas dore me vite të tëra, është përmendur vetëm për fushatë parazgjedhore dhe më pas është lënë në harresë, ky është spitali i Kërçovës i cili ka qenë në fazën karabinë më shumë se 30 vjet.

Ministri i Shëndetësisë Venko Filipçe qëndroi në Kërçovë për të lajmëruar fazën e dytë të ndërtimit të këtij spitali të shumëpritur për kërçovarët. Zyrtarët nuk dhanë afate konkrete për realizimin e kësaj faze.

“Fillojnë me punë edhe punëtorët në spitalin e ri fillon faza e dytë, ne e lajmëruam para disa muajve dhe me përfundimin e fazës së dytë ne e rrumbullakësojmë procesin e përgjithshëm”, tha Filipçe.
Ministri paralajmëroi edhe instalimin e kompjuterit tomografik, i cili do të sillet pas disa muajsh.

Kryetari i Kërçovës Fatmir Dehari tha se ky është një projekt madhor për kërçovarët dhe se shpreson që pritjeve të gjata për këtë spital u vjen fundi.

“Lajmi më i mirë është vazhdimi i ndërtimit të spitalit të qytetit, dhe unë këtë e vlerësoj si punën më të mbarë që ndodh në qytetin tonë”, tha Dehari.
Këto komente u bënë sot gjatë hapjes së Covid qendrës në Kërçovë e cila ka 48 shtretër dhe do të jetë në shërbim të qytetarëve të Kërçovës.

VIDEO:

/tv21