Swissmedic miraton vaksinën “Moderna” për Zvicër..

Një avantazh ndaj vaksinës së aprovuar tashmë nga Biontech / Pfizer është fakti se “Vaksina Moderna (…) mund të shkrihet dhe të ruhet në një frigorifer normal për një muaj..
Autoriteti zviceran i barnave, Swissmedic ka aprovuar vaksinën e dytë kundër koronës për Zvicrën.

Pas miratimit javë më parë të vaksinës Biontech-Pfizer, ai ka dhënë dritën jeshile edhe për përbërësin aktiv nga prodhuesi amerikan, Moderna, njofton srf.ch.

Kjo vaksinë prodhohet gjithashtu edhe nga Lonza në Valis, transmeton albinfo.ch. Zvicra ka siguruar paraprakisht 7.5 milionë doza të kësaj vaksine.

Me vaksinën e sapo aprovuar “në janar do të mund të vaksinohen 120,000 njerëz më shumë ndërsa në shkurt, edhe 250,000 të tjerë”, vlerëson redaktori shkencor i SRF, Thomas Häusler.

Ai sheh si një avantazh vendimtar ndaj vaksinës së aprovuar tashmë nga Biontech / Pfizer faktin se “Vaksina Moderna (…) mund të shkrihet dhe të ruhet në një frigorifer normal për një muaj, përcjell albinfo.ch. Kjo do të thotë që kjo vaksinë mund të jepet në një ordinancë normale të mjekut të familjes, ”thotë Häusler.

/albinfo