Shqiptari që kërkon Suedia kryeson listën e Interpolit..

Organizata më e madhe e policisë globale, që përbëhet nga 194 shtete anëtare ka rifreskuar listën e personave më të kërkuar në të gjithë botën. Mes tyre ka edhe shumë shqiptarë, por lista me 89 emrat e shqiptarëve të kërkuar është ai i Nikolin Nokut nga zona e Shalës në Shkodër.

Ky organizëm policor ka publikuar foton e të shumëkërkuarit, e cila ndodhet tashmë në cdo pikë kufitare të 194 shteteve që kanë marrëveshje me Interpol për arrestimin e personave në kërkim ndërkombëtar.

Ndaj 30 vjecarit shqiptar akuzat janë ngritur nga autoritetet policore dhe hetimore suedeze për trafik droge jo vetëm në territorin e këtij vendi, por edhe në disa shtete të tjera.

Por bazuar në legjislacionin europian, nëse një shtet ka nisur hetimet për një person që mund të kërkohet edhe në vende të tjera, atëherë në faqen zyrtare të Interpol renditet shteti që ka shpallur i pari kërkimin.

Në listën me 7482 persona të kërkuar në të gjithë botën janë 89 shqiptarë për krime të ndryshme, shumica e të cilëve për krime që janë kryer jashtë territorit të Republikës së Shqipërisë.

I dyti i kësaj liste është 50 vjeçari, Ndriçim Hoxha, nga Kruja. Atë e kërkon shteti francez, që sipas Interpolit akuzohet për vjedhje dhe vrasje. I treti dhe i katërti janë Taulant Memo dhe Ergest Memo nga Korça, që e kërkon për ekstradim Greqia me akuzën për dëmtimin e pyjeve të shtetit dhe armëmbajtje pa leje. Listës nuk i mungon as Kristaq Leci që kërkohet për vrasjen e oficerëve të Policisë së Shtetit.

Më i moshuari shqiptar që kërkon Interpol është është 75 vjeçari, Musa Protoduari, nga Berati që kërkohet për vrasje me paramendim, vrasje e një polici në detyrë dhe krijimin e një bande të armatosur dhe organizate kriminale.

/TCH