Shoqata Humanitare Kercova Vjenë me reagim ndaj Zoran Zaevit

REAGIM!!
“Shoqata humanitare Kerçova në Vjenë “reagon kundër idesë së kryeministrit të R.M.V. Zoran Zajev, që qytetarët e R.M.V. në diasporë të llogariten si qytetarë jo rezident në regjistrimin e ardhëshëm të popullatës që parashihet të mbahet në prill të vitit 2021.

Republika e Maqedonisë së veriut e shpallur si shtet më pak se 30 vite dhe llogaritet si shtet multinacional i përbërë prej shqiptarve, bullgarve, maqedonve dhe të tjerëve, ka një numër të madh të popullatës që jetojnë në diasporë e në veçanti shumica e tyre janë shqiptar.
R.M.V. është i vetmi rast që 18 vite nuk është bërë regjistrimi i popullsisë.

Llogaritet se R.M.V ka rreth 2020000 banorë dhe prej atyre në bazë të të dhënave elektronike (jo zyrtare) janë: 55 % maqedon, shifër e cila i përfshin edhe bullgarët të cilët janë një numër i madh (dmth maqedonët pa bullgarët janë më pak se 55%), 40% shqiptar dhe pjesa tjetër janë të tjerë.
Është shumë e dhimbshme dhe qesharake kur përmendet se qytetarët e R.M.V. në diasporë do të llogariten si qytetarë jo rezident me rastin e regjistrimit të popullsisë.

Gjithashtu është shumë interesant se në anën tjetër thuhet se diaspora është aorta kryesore e R.M.V , kurse për rastin e regjistrimit të popullsisë, kjo aortë llogaritet si e pa vlefshme dhe lihet anësh si jo rezidente dhe inegzistente.
Kryeministri i Maqedonisë së veriut Zoran Zajev duhet që të kërkojë falje publike për këte ide të turpshme dhe të çoroditur për diasporën.

Qytetarët e M.V. që punojnë dhe jetojnë përkohsisht në diasporë, nuk kan ardhur nga dëshira këtu. Po të kishim kushte dhe jetesë normale në R.M.V. me siguri do të ishim në vendlindjen tonë.
Këta qytetarë të R.M.V janë ata që së paku dy herë në vit vinë në vendlindje dhe sjellin mjete financiare marramendëse dhe i japin një infuzion të duhur shtetit të M.V deri në dimrin ose verën e ardhëshme.

Kjo diasporë është ajo që pandërprerë i paguan tatim shtetit të M.V një lloj si qytetarët që jetojnë në vendlindje; paguajmë rrymë, ujë, kanalizim, taksa rrugore etj.
Ja pra kjo është aorta e shtetit të M.V.
I bëjmë thirrje kryeministrit Zoran Zajev dhe të tjerëve që mendojnë si ky që të mos e dëmtojnë dhe mos të ja ndalin aortën kryesore RMV.
Gjithashtu bëjmë thirrje publike tek partitë politike shqiptare dhe në veçanti tek partia që është në pushtet(në rastin konkret B.D.I.), tek kryetari i kuvendit, ministrat, zëvendministrat, deputetët dhe kryetarët e komunave që t’a kundërshtojnë me të madhe një ide sharllatane të kryeministrit dhe të mos votohet në parlamentin e M.V., përndryshe barra dhe faji kryesorë do të mbetet mbi ju, për të cilën do t’ju akuzojë gjithë diaspora shqiptare bashkë me popullatën në vendlindje, sepse pasojat janë shumë të mëdhaja dhe tragjike.

Shoqata humanitare Kerçova në Vjenë është shoqatë apolitike e formuar më 2004 e formuar me vetë iniciatvë dhe vetë financim të kërçovarve në Vjenë dhe nuk është e mvarur dhe e financuar nga asnjë subjekt politik nga vendlindja.
Për neve si diasporë kërçovare në Austri, prioritet ka çështja atdhetare dhe vendlindja.
Me respekt nga kryesia e Shoqatës humanitare Kerçova ne Vjenë.