Fluks i madh i Mërgimtarve: 15 aeroplanë nga Bazeli vetëm sot..

Sot, kur ka filluar java e dytë e pushimeve për festën e Krishtlindjes në Zvicër, sërish bëhet temë “dyndja” ose fluksi i kosovarëve në aeroportet e këtushme. Ata janë nisur në drejtim të Kosovës, për pushime.

Pas dështimit të pushimeve verore, shumë qytetarë të Zvicrës me prejardhje nga Kosova dhe trojet tjera shqiptare në Ballkan, kanë mësyrë vendlindjen, për të qenë atje gjatë ditëve festive të fundvitit, shkruan albinfo.ch.

Por numri i madh i tyre dhe i grumbulluar brenda një kohe të shkurtë në aeroportet e këtushme, bëhet shpejt lajm në mediat zvicerane. Kryesisht ky fluks dy javëve të fundit bie në sy në Aeroportin e Bazelit.

Kështu ishte javën e kaluar, që ishte java e parë e pushimeve por ngjashëm është edhe sot, gjegjësisht sonte. Siç raporton me pamje nga vendi i ngjarjes blick tv, vetëm sot në drejtim të Aeroportit të Prishtinës nisen nga Bazeli 15 aeroplanë.

Të njëjtën ditë 6 avionë janë nisur nga Cyrihu dhe 6 të tjerë nga Gjeneva, po për në Prishtinë, shkruan albinfo.ch. 27 fluturime për një ditë në një destinacion jo aq të madh siç është Prishtina, dhe në këtë kohë pandemie, është numër i madh.

Gazetarët që raportojnë me xhirime nga Aeroporti i Bazelit regjistrojnë pamje të grumbullimeve relativisht të mëdha të njerëzve që presin në sportel, shkruan albinfo.ch.

Pyetjes së tyre nëse kështu po shkelen rregullat e pandemisë, një zëdhënëse e aeroporttit u përgjigjet se “në aeroport jemi mësuar të jemi fleksibël”. Veç kësaj, shton ajo, “shumica e atyre që qëndrojnë pranë njëri tjetrit janë familjarë mes vete”.

/albinfo