COVID-19 i merr jetën infermieres 40 vjeçare nga Shkupi

Unioni i infermiereve, teknikëve medicinalë dhe motrave akushere dhe stomatologe në Maqedoni njoftoi se dje si pasojë e virusit COVID-19 ka ndërruar jetë infermierja Irena Dojçinovksa Milloshovska, e punësuar në Institutin Geriatrik “13 nëntori” në Shkup.

“Apelojmë dhe theksojmë që virusi është me të vërtetë i pamëshirshëm dhe nuk ka asnjë selektim mbi moshat të cilat i sulmon.

Kjo nuk është infermierja e parë që ndërroi jetë nga COVID-19, por është më e reja në moshë. Infermierët rrezikojnë jetën e tyre dhe të të dashurve të tyre për pacientët në baza ditore.

Ju lutemi t’i përmbaheni masave dhe të ndihmoni sistemin shëndetësor që ka kohë që po lufton përtej mundësive t”, thonë nga Unioni i Infermiereve.

/(INA)