Kufinjtë mbeten të hapur, nuk do të ketë masa shtesë..(VIDEO)

Kufijtë e hapur nuk janë rrezik për përkeqësimin e pasqyrës epidemiologjike. Rreziku kryesor është transmetimi lokal. Kështu vlerëson ministri i Shëndetësisë, Venko Filipçe, duke qartësuar se nuk mendojnë t’i mbyllin kufijtë. Ai po ashtu njoftoi se nuk do të marrin masa reciprociteti ndaj Serbisë, e cila ka vendosur që nga 20 dhjetori kufiri të kalohet vetëm me test PCR negativ.

Venko Filipçe, ministër i Shëndetësis

“Për momentin jo. Mendojmë që kjo nuk përbën rrezik, edhe situata e tanishme tregon se kufijtë e hapur nuk janë rrezik për përkeqësimin e situatës rreth pasqyrës epidemiologjike. Transmetimi lokal është rreziku kryesorë dhe për këtë masat janë dimenzionuar në këtë mënyrë”.

Mnistri bëri apel që festat e fundvitit të kalohen mes familjes, në mënyrë që të mos krijohen kllastere të reja. Ndërsa kujtoi se nuk kanë mundësi ligjore për kontrolle brenda shtëpive.

Venko Filipçe, ministër i Shëndetësisë

“Njerëzit nuk duhet të grupohen dhe duhet të qëndrojnë në brenda familjes së tyre, qoftë këtu në qytet ose në ndonjë vilë. Pamë në rrjete sociale dhe agjencione se shumë të rinjë duan të largohen nga qytete, dhe kjo don të thotë rrezik për paraqitje të kllastereve dhe nga kjo rrjedh iniciativa për këtë ndalesë. Nuk egziston mundësi për të hyrë në shtëpi, sepse është i garantuar integriteti në bazë të Kushtetutës. Kjo pjesë mbetet në ndërgjegjen e qytetarëve dhe për këtë apelojmë që të respektohen masat”.

Në seancën e djeshme të Qeevrisë, u miratuan masat të cilat mes tjerash përfshijnë edhe ndalesën për dhënie me qira të vilave dhe kapaciteteve tjera turistike, për grupim dhe organizim të festave, për shkak të festave të fundvitit dhe festave fetare. Mirëpo kjo nuk përfshin edhe kërkesën për marrje me qira të vilave për anëtarë të vetëm një familjeje.

VIDEO:

/shenja