Lagja e re në Kërçovë pa rrugë! (VIDEO)
Është ndërtuar në 6 vitet e fundit por halli i banorëve është rruga e pa asfaltuar dhe çështja e pa zgjidhur për hapjen e rrugës së re e cila duhet të kaloj përmes pronave private.
Banorët thonë se janë në komunikim të vazhdueshëm me organet e Komunës dhe shpresojnë që së shpejti do të gjendjet zgjidhje.
“Sa i përket rrugës në këtë lagje “Zagroje” situate është si e shihni vetë, por të gjitha shtëpitë janë të urbanizuara dhe legalizuara, për rrugën disa herë kryetari I bashkësisë lokale i kësaj lagje ka bë kërkesë të kryetari i komunës dhe kanë biseduar për këtë çështje. Mirëpo sipas kryetarit nuk është problem te komuna por te pronarët e tokave këtu, më shumë bëjnë ata problem se sa komuna”, tha një banor.
“Nga Komuna presim ta rregullojnë rrugën, kemi informata se është sjellë vendimi që kjo rrugë të ndërtohet. Tanimë kemi marr edhe numrat e Lagjes unë jam “Zagorje 104” dhe këtu jetojmë nga viti 2014. Një veturë e prisha tani një tjetër do ta prish dhe ashtu, rruga nuk ndërtohet ende, për mua për arsye të pa njohura sepse unë kam dhënë 511 m2 për rrugë”, theksoi një tjetër banor.
Sa i takon kësaj lagje, kryetari i komunës Fatmir Dehari, tha se ujësjellësi dhe janë ndërtuar, por për rrugën tha se është problem pronësoro-juridik.
“Rrugica Brenda Lagjes që ka ngelur pa asfaltuar apo pa betonuar qëndron një arsye që tanimë e kam përmendur disa herë dhe po e përsërisë edhe tani, pra kemi të bëjmë me problem pronësoro-juridik, pra shpronësimin, apo thjeshtë apo, momentet që disa segmente rrugore paraqiten pronësi private dhe banorët për këtë janë të njoftuar. Dikush ka vullnetin që të ta japi mundësinë për ta bërë shpronësimin dikush ndjek procedurat Ligjore.
Dhe jo më shumë se para një jave një pjesë e kemi shpronësuar dhe vazhdojmë edhe me shpronësimin e mëtutjeshëm për ta realizuar atë rrugë”, deklaroi Fatmir Dehari – kryetar i Komunës së Kërçovës.
Kjo është Lagjja me e re e krijuar së fundmi në Komunën e Kërçovës dhe numëron mbi 20 shtëpi të reja banimi.
VIDEO:
/tv21
