Refik Zenku tre dekada gazetari sportive. Ngushllime familjes

Lajm pikëllimi për komunitetin sportiv. Gazetaria në vendin tonë në përgjithësi dhe ajo e sportit në veçanti sonte merr lajmin pikëllues për ndarjen nga jeta të njëri nga gazetarët më të vjetër të vendit, Refik Zenku. Gazetari i sportit nga Kërçova ka ndërruar jetë sot në orët e pasditës si pasojë e Kovid 19.

Zenku ishte i infektuar me virus në pjesën e dytë të muajit tetor dhe për katër javë ka qenë në gjendje kome. I ndjeri më herët ka vuajtur edhe nga një sëmundje në mushkëri. Gazetari i sportit Refik Zenku ka punuar në disa media të vendit dhe për plot 30 vite ka ushtruar profesionin e gazetarisë.

Tv Shenja dhe Sportmania përcjellim ngushëllimet më të sinqerta për familjen Zenku për humbjen e të dashurit të tyre.

/shenja